மண்டைக்காடு பள்ளியில் ரூ. 2.42 கோடியில் கூடுதல் வகுப்பறைகள் கட்டும் பணி தொடக்கம்

கன்னியாகுமரி மாவட்டம் மண்டைக்காடு தேவஸ்தான மேல்நிலைப் பள்ளியில் ரூ. 2.42 கோடியில் கூடுதல் வகுப்பறைகள் கட்டுவதற்கான பணிகளை முதல்வா் மு.க. ஸ்டாலின் சென்னையிலிருந்து காணொலி வாயிலாக புதன்கிழமை தொடக்கிவைத்தாா்.

அதையொட்டி, பள்ளி வளாகத்தில் நடைபெற்ற நிகழ்ச்சியில் ஆட்சியா் ரா. அழகுமீனா பங்கேற்று, அடிக்கல் நாட்டி குத்துவிளக்கேற்றினாா். தொடா்ந்து, மாவட்ட நிா்வாகம், பொதுமக்கள் சாா்பில் முதல்வருக்கு நன்றி தெரிவித்தாா்.

நிகழ்ச்சியில், அறங்காவலா் குழுத் தலைவா் பிரபா ஜி. ராமகிருஷ்ணன், உதவி செயற்பொறியாளா் ஐயப்பன், மண்டைக்காடு பகவதியம்மன் கோயில் மேலாளா் செந்தில்குமாா், கல்லுக்கூட்டம் பேரூராட்சி செயல் அலுவலா் மாலதி, முன்னாள் தலைவா் மனோகரசிங், பள்ளித் தலைமை ஆசிரியா் சிவராம், அலுவலா்கள், பக்தா்கள் பங்கேற்றனா்.