மண்மங்கலம் அரசு மருத்துவமனையில் கூடுதல் கட்டடம் கட்டும் பணி தொடக்கம்

கரூா் மண்மங்கலம் அரசு மருத்துவமனையில் ரூ. 3.50 கோடி மதிப்பில் கூடுதல் கட்டடம் கட்டும் பணியை கரூா் சட்டப்பேரவை உறுப்பினா் வி.செந்தில்பாலாஜி புதன்கிழமை தொடங்கிவைத்தாா்.

பின்னா் செய்தியாளா்களிடம் அவா் கூறியதாவது:

இங்கு 742 ச.மீ. பரப்பளவில் கூடுதல் கட்டடம் கட்டப்படவுள்ளது. இதில் தரை தளத்தில் பொது ஆய்வகம், மருந்தகம், ஆண்கள் புற நோயாளிகள் பிரிவு, ஆண்கள் ஊசி போடும் அறை, மருத்துவ பரிசோதனை அறை, பெண்கள் புற நோயாளிகள் பிரிவு, பெண்கள் ஊசி போடும் அறை, தொற்றா நோய் பிரிவு, பல் மருத்துவ புற நோயாளிகள் பிரிவு, நோயாளிகள் பதிவு செய்யும் அறை, நோயாளிகள் காத்திருப்பு அறை, பொது கழிப்பறை உள்ளிட்ட வசதிகளுடன் கட்டப்படவுள்ளது என்றாா் அவா்.

நிகழ்வில், கிருஷ்ணராயபுரம் சட்டப்பேரவை உறுப்பினா் க. சிவகாமசுந்தரி, மாவட்ட வருவாய் அலுவலா் ம. கண்ணன், மருத்துவ பணிகளின் இணை இயக்குநா் செழியன் மற்றும் உதவி பொறியாளா் பிரதீப் உள்ளிட்டோா் பங்கேற்றனா்.

அரசுப் பள்ளியில் மேம்படுத்தப்பட்ட வழிபாட்டு இடம் திறப்பு:

கரூா் ரெட்டிப்பாளையம் அரசு நடுநிலைப் பள்ளியில், கரூா் ரோட்டராக்ட் கிளப்பின் சமூக நலத் திட்டத்தின் கீழ், ரூ. 1.5 லட்சம் மதிப்பில் மேம்படுத்தப்பட்ட வழிபாட்டு இடத்தை (பிரேயா் இடம்) செந்தில்பாலாஜி எம்எல்ஏ தொடங்கிவைத்தாா்.

நிகழ்வுக்கு ரோட்டராக்ட் கிளப் தலைவா் ஆா். ஜீவானந்தன் தலைமை வகித்தாா். வேல்ஸ் குளோபல் பவுண்டேசன் அமைப்பின் தலைவா் என். ராஜமாணிக்கம், மாவட்ட முதன்மைக் கல்வி அலுவலா் செல்வமணி முன்னிலை வகித்தாா்.

நிகழ்ச்சியில் செந்தில்பாலாஜி எம்எல்ஏ பேசுகையில், இந்தப் பள்ளிக்கு ஸ்மாா்ட் கிளாஸ் மற்றும் குடிநீா் சுத்திகரிப்பு இயந்திரம் எனது சொந்த செலவில் வழங்கப்படும். மேலும் பள்ளிக்கு வண்ணம் பூசி தரப்படும் என்றாா் அவா். முன்னதாக, கரூா் ரோட்டராக்ட் கிளப்பின் தலைவா் ஜீவா வரவேற்றாா்.

நிகழ்ச்சியில், ரோட்டராக்ட் சங்க செயலாளா் சூா்யா, முன்னாள் தலைவா்கள் ராஜேஷ், மணிராம், சபரி உள்ளிட்டோா் பங்கேற்றனா்.