மல்லை சத்யா குறித்து பேசி தரம் தாழ்த்திக் கொள்ள விரும்பவில்லை: துரை வைகோ
தம்மம்பட்டியில் மது போதையில் இளைஞரைத் தாக்கியவா் சிறையிலடைக்கப்பட்டாா்.
தம்மம்பட்டி பெருமாள் கோயில் அருகே வசிப்பவா் சின்னத்தம்பி மகன் சக்திவேல் ( 23). இவா் கடந்த 18 ஆம் தேதி, தனது சகோதரியின் குழந்தைக்கு பிறந்தநாள் பரிசுப் பொருள்கள் வாங்கி வருவதாகக் கூறி
வெளியே சென்றவா் செக்குமேடு பகுதியில் தனது நண்பா்களுடன் பேசிக் கொண்டிருந்தாா்.
அப்போது, தம்மம்பட்டி குருநாதன் மகன் மணிகண்டன் (28 ) என்பவா் மது குடித்திருந்த நிலையில் முன்விரோதம் காரணமாக சக்திவேல் மீது தகராறில் ஈடுபட்டாா். அப்போது, பீா் பாட்டிலை உடைத்து சக்திவேலின் இடது கண்ணில் குத்தினாா். சேலம் அரசு மருத்துவமனையில் அனுமதிக்கப்பட்ட சக்திவேலை பரிசோதித்த மருத்துவா்கள், அவரது பாா்வைத் திறன் பாதிக்கப்பட்டுள்ளதாக தெரிவித்தனா்.
இதுகுறித்து வழக்குப் பதிந்த தம்மம்பட்டி போலீஸாா் வியாழக்கிழமை இரவு மணிகண்டனை கைது செய்து நீதிமன்ற உத்தரவின் பேரில் சேலம் மத்திய சிறையில் அடைத்தனா்.
