வெள்ளை அரிசி மீது விதித்த வரியை குறைக்கக் கோரி, மத்திய அரசைக் கண்டித்து தமிழக விவசாயிகள் சங்கம் சாா்பில் ஆரணியில் வெள்ளிக்கிழமை ஆா்ப்பாட்டம் நடைபெற்றது.
ஆரணி அண்ணா சிலை அருகே நடைபெற்ற ஆா்ப்பாட்டத்துக்கு சங்கத்தின் மாநிலத் தலைவா் இரா.வேலுசாமி தலைமை வகித்தாா்.
மாநில துணைத் தலைவா்கள் எம்.மூா்த்தி, எம்.சின்னப்பன் ஆகியோா் முன்னிலை வகித்தனா். விவசாயி குணாநிதி வரவேற்றாா்
ஆா்ப்பாட்டத்தின்போது, 140-க்கும் மேற்பட்ட வெளிநாடுகளுக்கு ஏற்றுமதி செய்யப்படும் வெள்ளை அரிசிக்கு ஏற்றுமதி வரியை மத்திய அரசு அதிகரித்ததை குறைக்க
வேண்டும். வெளிநாடு ஏற்றுமதிக்கு தடை விதித்ததை நிறுத்த
வேண்டும். விவசாயிகள் உற்பத்தி செய்த நெல்லுக்கு உண்டான விலை கிடைக்காமல் விலை வீழ்ச்சி அடைந்ததை மத்திய கட்டுப்படுத்த வேண்டும். மத்திய அரசு சமீபத்தில் அறிமுகப்படுத்திய மரபணு திருத்தப்பட்ட நெல் ரகங்களை உடனடியாக திரும்பப் பெற வேண்டும் என வலியுறுத்தி
முழக்கங்கள் எழுப்பப்பட்டன.
இதைத் தொடா்ந்து, அண்ணா சிலை அருகில் இருந்து விவசாயிகள் சந்தை சாலை, காந்தி சாலை, மணிக்கூண்டு, கோட்டை தெரு வழியாக பேரணியாக கோட்டாட்சியா் அலுவலகத்துக்குச் சென்று கோரிக்கை மனு கொடுத்தனா்.
ஆா்ப்பாட்டத்தில் மாநிலத் துணைத் தலைவா் கே.ராஜா பெருமாள், மாநில அமைப்பாளா் ஜி.கே.கணபதி, செங்கம் எஸ்.ராமலிங்கம், கேட்டவரம்பாளையம் கணபதி, சிவராமன், கடலாடி எம்ஜிஆா் ஏழுமலை, வானம்பட்டு ரமேஷ், போளூா் சுதாகா் உள்ளிட்டோா் மற்றும் விவசாயிகள் சங்க நிா்வாகிகள் கலந்து கொண்டனா்.
