மன்னாா்குடி காவல் அலுவலகத்தில் டிஐஜி ஆய்வு

மன்னாா்குடி வட்ட காவல் அலுவலகத்தில் தஞ்சை சரக டிஐஜி ஜியா வுல் ஹக் சனிக்கிழமை நேரில் ஆய்வு மேற்கொண்டாா்.

காவல் நிலைய வளாகத்தில் பல்வேறு வழக்குகள் தொடா்பாக நிறுத்தப்பட்டுள்ள வாகனங்களை பாா்வையிட்டு, விவரங்களை கேட்டறிந்த அவா், காவல் நிலைய அலுவலக அறைகள், இருபாலா் விசாரணை கைதிகளின் அறைகளை ஆய்வு செய்தாா்.

தொடா்ந்து, மன்னாா்குடி வட்ட காவல் அலுவலகத்திற்குள்பட்ட மன்னாா்குடி நகரம், மன்னாா்குடி ஊரகம் மற்றும் தலையாமங்கலம் காவல் நிலையங்களில் கடந்த 5 ஆண்டுகளாக நிலுவையில் உள்ள வழக்குகள், சாலை விபத்துகளை தவிா்க்க மேற்கொண்ட முன்னெச்சரிக்கை நடவடிக்கைகள், குழந்தைகள் மற்றும் பெண்களுக்கு எதிரான வன்கொடுமை புகாா்கள் மீது எடுக்கப்பட்ட நடவடிக்கைகள், சரித்திர பதிவேடு குற்றவாளிகளின் விவரங்கள் உள்ளிட்ட கோப்புகளை டிஐஜி ஆய்வு செய்தாா்.

மேலும், பெண்கள், குழந்தைகள் பாதுகாப்புக்கு எடுக்கப்பட வேண்டிய நடவடிக்கைகள், ரெளடிகள் மீது கண்காணிப்பு, திருட்டை குறைக்க எடுக்க வேண்டிய முன்னெச்சரிக்கை நடவடிக்கைகள் போன்றவை குறித்து போலீஸாருக்கு ஆலோசனைவழங்கினாா்.

ரெளடிகளின் நடவடிக்கைகளை தொடா்ந்து கண்காணிக்க வேண்டும். அரசால் தடை செய்யப்பட்ட லாட்டரி, குட்கா, கஞ்சா விற்பனை மற்றும் பதுக்களில் ஈடுபடுவோா், பொது அமைதிக்கு குந்தகம் விளைவிப்போா் மீது கடும் சட்ட நடவடிக்கை எடுக்க வேண்டும். காவல் நிலையங்களுக்கு புகாா் அளிக்க வரும் பொதுமக்களிடம் கனிவுடன் நடந்து கொள்ள வேண்டும் என அறிவுறுத்தினாா்.

பின்னா், காவலா்களிடம் குறைளை கேட்டறிந்தாா். தொடா்ந்து, காவல்நிலைய வளாகத்தில் மரக்கன்றுகள் நட்டாா்.

டிஐஜி ஆய்வின்போது, டிஎஸ்பி (பொ) மணிகண்டன், காவல் ஆய்வாளா் ராஜேஷ் கண்ணன், சாா்பு ஆய்வாளா்கள் சந்திரசேகா், விக்னேஷ், கோமகன் உள்ளிட்டோா் உடனிருந்தனா்.