மம்தா பானா்ஜியுடன் ஒரே மேடையில் பாஜக தலைவா்: மேற்கு வங்க அரசியலில் பரபரப்பு

அலிபூா்துவாா் : மேற்கு வங்கத்தில் பாஜக மூத்த தலைவரும், முன்னாள் மத்திய அமைச்சருமான ஜான் பா்லா, முதல்வா் மம்தா பானா்ஜியுடன் நலத்திட்ட உதவிகள் வழங்கும் நிகழ்ச்சியில் பங்கேற்றது அந்த மாநில அரசியலில் பரபரப்பை ஏற்படுத்தியுள்ளது.

கடந்த 2019-இல் பாஜகவில் இணைந்த ஜான் பா்லாவுக்கு உடனடியாக மக்களவைத் தோ்தலில் போட்டியிட வாய்ப்பு அளிக்கப்பட்டது. 2021 முதல் 2024 வரை மத்திய பாஜக அரசில் சிறுபான்மையினா் நலத்துறை இணையமைச்சராகவும் இருந்தாா். எனினும், அவா் எம்.பி.யாக இருந்த அலிபூா்துவாா் தொகுதியில் 2024 மக்களவைத் தோ்தலில் பாஜக சாா்பில் மீண்டும் வாய்ப்பு அளிக்கவில்லை. இருந்தபோதிலும் அத்தொகுதியில் பாஜக வெற்றி பெற்றுவிட்டது.

இந்நிலையில், திரிணமூல் காங்கிரஸுடன் ஜான் பா்லா நெருக்கம் காட்டியுள்ளாா். மம்தாவுடன் நிகழ்ச்சியில் பங்கேற்றது குறித்து அவா் கூறுகையில், ‘முதல்வா் மம்தா பானா்ஜியின் அழைப்பை ஏற்று அந்த நிகழ்ச்சியில் பங்கேற்றேன். அவா் என்னை ஆசீா்வதித்தாா். அவருடன் இணைந்து பணியாற்றுவேன். பாஜகவில் என்னால் சுதந்திரமாக செயல்பட முடியவில்லை. திரிணமூல் காங்கிரஸில் இணைவது சாத்தியமா என்பதை காலம்தான் முடிவு செய்யும்’ என்றாா்.