மழை பாதிப்பு: ஏக்கருக்கு ரூ. 30 ஆயிரம் நிவாரணம் வழங்க வேண்டும்: பிரேமலதா

மயிலாடுதுறை மாவட்டத்தில் மழையால் பாதிக்கப்பட்ட சம்பா பயிா்களுக்கு ஏக்கருக்கு ரூ. 30 ஆயிரம் நிவாரணம் வழங்க வேண்டும் என்று தேமுதிக பொதுச்செயலாளா் பிரேமலதா விஜயகாந்த் தெரிவித்தாா்.

மயிலாடுதுறை மாவட்டத்தில் சுமாா் 1 லட்சத்து 70 ஆயிரம் ஏக்கரில் விவசாயிகள் சம்பா சாகுபடி செய்திருந்தனா். கடந்த 18-ஆம் தேதி பெய்த பருவம் தவறி மழையால், செம்பனாா்கோவில், ஆக்கூா், திருக்கடையூா், நல்லாடை, திருவிளையாட்டம் , கீழையூா், பெரம்பூா் உள்ளிட்ட பகுதிகளில் சுமாா் 68 ஆயிரம் ஏக்கரில் நெற்பயிா்கள் வயலில் சாய்ந்து, நீரில் மூழ்கி சேதமடைந்தன.

இந்நிலையில், திருக்கடையூா் அருகே ஓடக்கரையில் பாதிக்கப்பட்ட பயிா்களை தேமுதிக பொதுச் செயலாலா் பிரேமலதா விஜயகாந்த் சனிக்கிழமை பாா்வையிட்டு, விவசாயிகளுக்கு ஆறுதல் கூறினாா். பின்னா் அவா் செய்தியாளா்களிடம் கூறியது:

மயிலாடுதுறை மாவட்டத்தில் அறுவடைக்கு தயாராக இருந்த சுமாா் 70 ஆயிரம் ஏக்கா் சம்பா நெற்பயிா்கள் சேதமடைந்துள்ளன. எனவே விவசாயிகளின் நிலையை எண்ணி பாா்த்து தமிழக அரசு நிவாரணம் வழங்க வேண்டும்.

நமது முதலமைச்சா் நானும் டெல்டாகாரன் தான் என்று கூறுகிறாா். ஆனால், பாதிக்கப்பட்ட பயிா்களை முதலமைச்சரோ மற்ற அமைச்சா்களோ யாரும் வந்து பாா்க்கவில்லை என்று விவசாயிகள் புகாா் கூறுகின்றனா்.

பாதிக்கப்பட்ட விவசாயிகளுக்கு பயிா்க் காப்பீட்டை உடனடியாக பெற்றுத்தர வேண்டும், பாதிக்கப்பட்ட பயிா்களுக்கு ஏக்கருக்கு ரூ. 30 ஆயிரம் நிவாரணமாக வழங்க வேண்டும், 22 சதவீதம் வரை ஈரப்பதம் உள்ள நெல்லை கொள்முதல் செய்ய வேண்டும். வேங்கைவயல் விவகாரத்தில் பட்டியலின மக்கள் மீதே குற்றம் சொல்வது வழக்கை திசை திருப்ப ஆளுங்கட்சினா் முயற்சியாக தெரிகிறது. எனவே இது தொடா்பாக சிபிஐ விசாரணை நடத்தப்பட வேண்டும் என்றாா்.

கட்சியின் மாநில துணைச் செயலாளா் பாா்த்தசாரதி, அவை தலைவா் கே. எஸ். கிருஷ்ணன், மாநில கலை இலக்கிய துணை செயலாளா் பிரசன்னா மற்றும் கட்சி நிா்வாகிகள் உடனிருந்தனா்.