மாட்ரிட் ஓபன் டென்னிஸ் போட்டியில் அமெரிக்காவின் கோகோ கௌஃப், ரஷியாவின் மிரா ஆண்ட்ரீவா ஆகியோா் காலிறுதிச்சுற்றுக்கு திங்கள்கிழமை முன்னேறினா்.
மகளிா் ஒற்றையா் காலிறுதிக்கு முந்தைய சுற்றில், போட்டித்தரவரிசையில் 4-ஆம் இடத்திலிருக்கும் கோகோ கௌஃப் 6-4, 6-2 என்ற நோ் செட்களில் சுவிட்ஸா்லாந்தின் பெலிண்டா பென்சிச்சை வீழ்த்தினாா். 7-ஆம் இடத்திலிருக்கும் இளம் வீராங்கனையான மிரா ஆண்ட்ரீவா 6-1, 6-4 என்ற கணக்கில் உக்ரைனின் யுலியா ஸ்டாரோடப்சேவாவை தோற்கடித்தாா்.
இதர ஆட்டங்களில், 14-ஆம் இடத்திலிருந்த ஆஸ்திரேலியாவின் டரியா கசாட்கினா 3-6, 6-7 (3/7) என்ற செட்களில், 21-ஆம் இடத்திலிருக்கும் ரஷியாவின் எகாடெரினா அலெக்ஸாண்ட்ரோவிடம் அதிா்ச்சித் தோல்வி கண்டாா்.
அதேபோல், 10-ஆம் இடத்திலிருந்த கஜகஸ்தானின் எலனா ரைபகினா 3-6, 4-6 என்ற நோ் செட்களில், 17-ஆம் இடத்திலிருக்கும் உக்ரைனின் எலினா ஸ்விடோலினாவிடம் தோல்வியுற்றாா். இதையடுத்து காலிறுதிச்சுற்றில், கௌஃப் - ஆண்ட்ரீவா சந்தித்துக்கொள்ள, ஸ்விடோலினா - கிரீஸின் மரியா சக்காரியுடன் மோதுகிறாா்.
ஃப்ரிட்ஸ், ரூட் வெற்றி: இப்போட்டியின் ஆடவா் ஒற்றையா் பிரிவில், அமெரிக்காவின் டெய்லா் ஃப்ரிட்ஸ், நாா்வேயின் கேஸ்பா் ரூட் ஆகியோா் காலிறுதிக்கு முந்தைய சுற்றுக்கு தகுதிபெற்றனா்.
3-ஆவது சுற்றில், போட்டித்தரவரிசையில் 3-ஆம் இடத்திலிருக்கும் ஃப்ரிட்ஸ் - பிரான்ஸின் பெஞ்சமின் பொன்ஸியை சந்தித்தாா். இரு செட்கள் முடிவில் 4-6, 7-5 என்ற கணக்கில் இருவரும் சமநிலையில் இருக்க, வெற்றியாளரை தீா்மானிக்கும் டிசைடா் செட்டுக்கு முன்பாக பொன்ஸி போட்டியிலிருந்து காயம் காரணமாக விலகினாா்.
இதையடுத்து ஃப்ரிட்ஸ் வென்ாக அறிவிக்கப்பட்டாா். அடுத்த சுற்றில் அவா் நாா்வேயின் கேஸ்பா் ரூடை எதிா்கொள்கிறாா். 14-ஆம் இடத்திலிருக்கும் கேஸ்பா் ரூட் முந்தைய சுற்றில் 6-3, 6-3 என்ற நோ் செட்களில், 23-ஆம் இடத்திலிருந்த அமெரிக்காவின் செபாஸ்டியன் கோா்டாவை வெளியேற்றினாா்.
12-ஆம் இடத்திலிருந்த அமெரிக்காவின் பென் ஷெல்டன் 1-6, 4-6 என்ற கணக்கில், 22-ஆம் இடத்திலிருக்கும் செக் குடியரசின் ஜேக்கப் மென்சிக்கிடம் தோல்வி கண்டாா். 20-ஆம் இடத்திலிருக்கும் ஆா்ஜென்டீனாவின் ஃபிரான்சிஸ்கோ செருண்டோலோ 6-4, 6-4 என, சக நாட்டவரான ஃபிரான்சிஸ்கோ கோமிசனாவை சாய்த்தாா்.
இத்தாலியின் மேட்டியோ அா்னால்டி 6-3, 6-4 என்ற செட்களில் போஸ்னியாவின் டாமிா் ஜும்ஹுரை வீழ்த்தினாா்.
