மாதவிடாய் நாப்கின்களில் ராகுல் காந்தியின் படம்! பிகாரில் புதிய சர்ச்சை!

பிகாரில் காங்கிரஸ் கட்சியின் சார்பில் பெண்களுக்கு வழங்கப்பட்ட மாதவிடாய் நாப்கின்களில், ராகுல் காந்தியின் படம் அச்சிடப்பட்டுள்ளதற்கு, பல்வேறு அரசியல் கட்சிகள் விமர்சித்து வருகின்றனர்.

பிகாரில் காங்கிரஸ் கட்சியின், மாதவிடாய் சுகாதாரம் குறித்த விழிப்புணர்வை உருவாக்கும் பிரியதர்ஷினி உதான் யோஜனா திட்டத்தின் மூலம் பெண்களுக்கு இலவச மாதவிடாய் நாப்கின்கள் வழங்கப்பட்டுள்ளன.

இதையடுத்து, காங்கிரஸ் பெண்களுக்கு வழங்கிய மாதவிடாய் நாப்கின்களின் அட்டையில் மக்களவை எதிர்க் கட்சித் தலைவர் ராகுல் காந்தியின் படம் அச்சிடப்பட்டுள்ளதாகக் கூறப்படுகிறது.

இதனைக் கடுமையாக விமர்சித்துள்ள அம்மாநிலத்தின் ஆளும் கட்சியான ஐக்கிய ஜனதா தளம், பெண்களின் முக்கிய பிரச்னைகளை காங்கிரஸ் அரசியலாக்குவதாகவும், பழமையான கட்சி தற்போது சித்தாந்த பற்றாக்குறையைச் சந்தித்துள்ளது எனவும் கூறியுள்ளது.

பிகாரில் இந்தாண்டு இறுதியில் சட்டப்பேரவைத் தேர்தல் நடைபெறவுள்ள நிலையில், பெண் வாக்காளர்களைக் கவரும் நோக்கத்தோடு காங்கிரஸ் கட்சி இத்தகையச் செயலில் ஈடுபட்டுள்ளதாக ஐக்கிய ஜனதா தளத்தின் செய்தித் தொடர்பாளர் நீரஜ் குமார் விமர்சித்துள்ளார்.

இதுகுறித்து, அவர் கூறியதாவது:

”முதல்வர் நிதிஷ் குமார் பெண்களின் வளர்ச்சிக்காகத் தொடர்ந்து பணியாற்றி வருகின்றார். தேர்தலும் நடைபெறவுள்ளது. மரியாதையின் சின்னமாகப் பெண்கள் கருதப்படுவார்கள். ஆனால், நீங்கள் உங்களது அதிகாரத்தை வெளிகாட்ட நாப்கின்களில் உங்களது படத்தை அச்சிட்டுள்ளீர்கள்” எனக் குற்றம்சாட்டியுள்ளார்.

முன்னதாக, பிகாரில் வரும் சட்டப்பேரவைத் தேர்தலில் காங்கிரஸ் கூட்டணி வெற்றி பெற்றால், பொருளாதாரத்தில் பின்தங்கிய பெண்களுக்கு மாதம் ரூ.2,500 வழங்கப்படும் எனத் தேர்தல் வாக்குறுதி அளிக்கப்பட்டுள்ளது குறிப்பிடத்தக்கது.

Various political parties are criticizing the fact that Rahul Gandhi's picture is printed on menstrual napkins distributed to women by the Congress party in Bihar.

இதையும் படிக்க: கேரளத்தில் மீண்டும் பரவத் தொடங்கிய நிபா வைரஸ்: 3 மாவட்டங்களுக்கு எச்சரிக்கை!