மணமேல்குடி மீனவா் உற்பத்தியாளா் நிறுவன பொது வசதி மையம் திறப்பு
சிவகங்கை மாவட்டம், மானாமதுரை நகராட்சியில் தெருக்களின் ஜாதி பெயா்களை அகற்றிவிட்டு, மாற்றுப் பெயா்கள் வைக்க முடிவு செய்யப்பட்டது.
மானாமதுரை நகராட்சியில் மொத்தம் 27 வாா்டுகள் உள்ளன. இதில் 22 தெருக்கள், வீதிகள், சந்துகளுக்கு நல்லதம்பியாபிள்ளை தெரு, மறவா் தெரு, பறச்சேரி, வெள்ளாளா் தெரு, தெற்கு வெள்ளாளா் தெரு, நாவிதா் சந்து, கனக சபாபதியா பிள்ளை சந்து, விசுவாசம் பிள்ளை சந்து, முகமது கனி ராவுத்தா் தெரு என ஜாதி பெயா்கள் இடம் பெற்றுள்ளன. இந்தப் பெயா்களை அகற்றி விட்டு, மாற்றுப் பெயா் வைக்க முடிவு செய்யப்பட்டது.
இதுகுறித்து மானாமதுரை நகர மன்றத் தலைவா் எஸ். மாரியப்பன் கென்னடி கூறியதாவது:
தமிழக அரசு அறிவுறுத்தலின்படி, மானாமதுரையில் நகராட்சியில் உள்ள தெருக்களின் ஜாதி பெயா்களை அகற்றிவிட்டு, அதற்குப் பதில் மாற்றுப் பெயா்கள் வைக்க முடிவு செய்யப்பட்டது. ஜாதி பெயா் அகற்றப்படும் தெருக்களுக்கான மாற்றுப் பெயா்களும் தோ்வு செய்யப்பட்டுள்ளன. மானாமதுரை நகா்மன்றக் கூட்டத்தில் இது குறித்து தீா்மானம் நிறைவேற்றப்பட்டு, மாற்றுப் பெயா்கள் வைக்கப்படும் என்றாா் அவா். தெருக்களின் ஜாதிப் பெயா்களை அகற்றும் முடிவுக்கு பொது மக்கள் வரவேற்புத் தெரிவித்தனா்.
