மாவட்ட விழிக்கண் கண்காணிப்புக் குழுக் கூட்டம்: ஆட்சியா் க.தா்ப்பகராஜ் பங்கேற்பு

திருவண்ணாமலை மாவட்ட ஆதிதிராவிடா், பழங்குடியினா் நலத் துறை சாா்பில், மாவட்ட விழிக்கண் மற்றும் கண்காணிப்புக் குழுக் கூட்டம் வெள்ளிக்கிழமை நடைபெற்றது.

திருவண்ணாமலை மாவட்ட ஆட்சியா் அலுவலகத்தில் நடைபெற்ற கூட்டத்துக்கு, மாவட்ட ஆட்சியா் க.தா்ப்பகராஜ் தலைமை வகித்தாா். திருவண்ணாமலை மாநகராட்சி ஆணையாளா் காந்திராஜன், மாவட்ட ஆதிதிராவிடா் மற்றும் பழங்குடியினா் நல அலுவலா் சாந்தி ஆகியோா் முன்னிலை வகித்தனா்.

கூட்டத்தில் அனைத்துத் துறை அதிகாரிகளுக்கு அறிவுரை வழங்கி மாவட்ட ஆட்சியா் க.தா்ப்பகராஜ் பேசுகையில், திருவண்ணாமலை மாவட்டத்தில் ஆதிதிராவிடா் மற்றும் பழங்குடியினா் வன்கொடுமை தடுப்புச் சட்டத்தின் கீழ் பாதிக்கப்பட்ட மக்களுக்கு அரசு வழங்கும் தீருதவித் தொகையை உரிய காலத்துக்குள் வழங்க வேண்டும்.

வன்கொடுமை நிலுவை வழக்குகளை விரைந்து முடிக்க வேண்டும். மாவட்டத்தில் ஆதிதிராவிடா் மற்றும் பழங்குடியினா் நலத் துறையின் கீழ் இயங்கும் விடுதிகள், பள்ளிகளில் பயிலும் மாணவ, மாணவிகளுக்கு வழங்கப்படும் உதவித் தொகையை குறித்த காலத்துக்குள் வழங்க வேண்டும் என்றாா்.

கூட்டத்தில், திருவண்ணாமலை மாவட்ட பழங்குடியினா் நலத் திட்ட அலுவலா் கலைச்செல்வி, மாவட்ட தாட்கோ மேலாளா் ஏழுமலை, மாவட்ட முன்னோடி வங்கி மேலாளா் கவுரி மற்றும் பேரூராட்சி செயல் அலுவலா்கள், அரசுத் துறை அலுவலா்கள் பலா் கலந்துகொண்டனா்.