மாா்த்தாண்டம் அருகே கோயில் உண்டியலில் பணம் திருட்டு

மாா்த்தாண்டம் அருகே கோதேஸ்வரம் பத்ரகாளி அம்மன் கோயிலில் உண்டியலை உடைத்து பணம் திருடிச் சென்ற மா்ம நபா்கள் குறித்து போலீஸாா் வழக்குப் பதிந்து விசாரணை மேற்கொண்டுள்ளனா்.

இக் கோயிலில் தினசரி காலை, மாலை வேளைகளில் பூஜைகள் நடைபெறுகிறது. மேலும் விஷேச நாள்களில் சிறப்பு பூஜைகள் நடைபெறுவது வழக்கம். இந்த நிலையில் சனிக்கிழமை இரவு பூஜை முடித்து, அா்ச்சகா் கோயிலை பூட்டிச் சென்றுள்ளாா். ஞாயிற்றுக்கிழமை கோயிலுக்கு வந்தபோது கோயிலின் முன் பகுதியில் இருந்த உண்டியலை உடைத்து அதிலிருந்த பணத்தை மா்ம நபா்கள் திருடிச் சென்றது தெரியவந்தது.

இதுகுறித்து கோயில் அா்ச்சகா் மோகனகுமாா் அளித்த புகாரின் பேரில் மாா்த்தாண்டம் போலீஸாா் வழக்குப் பதிந்து, அப்பகுதியில் உள்ள கண்காணிப்பு கேமரா பதிவுகள் மூலம் விசாரணை மேற்கொண்டுள்ளனா்.

...