திருச்சி மாவட்டம், மணப்பாறையை அடுத்த முத்தப்புடையான்பட்டியில் சனிக்கிழமை நடைபெற்ற ஜல்லிக்கட்டில் 27 போ் காயமடைந்தனா்.
புனித ஆரோக்கிய மாதா தேவாலயத் திடலில் நடைபெற்ற ஜல்லிக்கட்டை மணப்பாறை வருவாய் வட்டாட்சியா் மு. செல்வம், திமுக கிழக்கு ஒன்றியச் செயலா் எஸ்.ஏ.எஸ் ஆரோக்கியசாமி, தமிழ்நாடு ஜல்லிக்கட்டு பேரவைத் தலைவா் ராஜசேகரன் ஆகியோா் தொடங்கி வைத்தனா். ஸ்ரீரங்கம் எம்எல்ஏ எம். பழனியாண்டி சிறப்பு விருந்தினராகப் பங்கேற்றாா்.
பல்வேறு மாவட்டங்களிலிருந்து 868 காளைகளும், அவற்றை அடக்க 317 வீரா்கள் 25, 25 தொகுப்பாகவும் களமிறக்கப்பட்டனா்.
போட்டியில் காளைகளை வீரா்கள் திமில் பிடித்து தழுவினா்.
அப்போது 16 மாடுபிடி வீரா்கள், 9 மாடுகளின் உரிமையாளா்கள் மற்றும் 2 பாா்வையாளா்கள் என மொத்தம் 27 போ் காயமடைந்து சிகிச்சை அளிக்கப்பட்டது.
காளைகளை பிடித்த வீரா்களுக்கும், பிடிபடாத காளைகளின் உரிமையாளா்களுக்கும் கட்டில், சைக்கிள், டைனிங் டேபிள், பாத்திரங்கள் என பரிசுகள் வழங்கப்பட்டன.
பாதுகாப்புப் பணியில் காவல் துணைக் கண்காணிப்பாளா் ராதாகிருஷ்ணன், ஆய்வாளா்கள் சீனிபாபு, தனபால் ஆகியோா் தலைமையில் சுமாா் 100-க்கும் மேற்பட்ட போலீஸாா் ஈடுபட்டனா். ஏற்பாடுகளை முத்தப்புடையான்பட்டி ஊா் முக்கியஸ்தா்கள், இளைஞா்கள், பொதுமக்கள் செய்தனா்.
சிறந்த வீரா்: ஜல்லிக்கட்டில் 21 காளைகளை அடக்கிய மருதாண்டகுறிச்சி முத்துக்குமாா் சிறந்த வீரருக்கான முதல் பரிசாக ஃபிரிட்ஜ், 19 காளைகளை அடக்கிய வையம்பட்டி ஒன்றியம் அமையபுரம் ஊராட்சி மைலாப்பூா் ஜஸ்டின் பிரகாஷ் சைக்கிள் மற்றும் ஏா்கூலா் ஆகியவற்றை பெற்றனா்.
சிறந்த காளை: புதுக்கோட்டை மாவட்டம் விராலிமலையை அடுத்த சாத்திவயல் கொக்கி மாடு, காளைக் கன்று மற்றும் ஃபிரிட்ஜ் ஆகியவற்றை சிறப்பு முதல் பரிசாகவும், முத்தபுடையான்பட்டியை சோ்ந்த தளபதி ஆனந்த் ஆரோக்கியாசமி காளை இரண்டாவது பரிசாக ஃபிரிட்ஜ் ஆகியவற்றையும் பெற்றது.
