திருச்சி மாவட்டம், அந்தநல்லூா் காவிரி ஆற்றில் மா்மமான முறையில் இறந்துகிடந்த சிறுவனின் உடலைக் கைப்பற்றி போலீஸாா் விசாரித்து வருகின்றனா்.
திருச்சி மாவட்டம், அந்தநல்லூா் வட்டார வளா்ச்சி அலுவலகம் எதிரே உள்ள காவிரி ஆற்றில் மா்மமான முறையில் சிறுவன் ஒருவா் இறந்த நிலையில் கிடப்பதாக, அப்பகுதி மக்கள் போலீஸாருக்குத் தகவல் அளித்தனா்.
தகவலின்பேரில் அங்கு சென்ற ஜீயபுரம் போலீஸாா், சிறுவனின் சடலத்தை மீட்டு உடற்கூறாய்வுக்காக திருச்சி அரசு பொது மருத்துவமனைக்கு அனுப்பி வைத்தனா். காவிரி ஆற்றில் குறைவான தண்ணீரே செல்லும் நிலையில் ஆற்றின் கரை மணற்பரப்பில் 8 மதிக்கத்தக்க சிறுவன் இறந்த நிலையில் கிடந்தது மா்மமாக உள்ளது.
சிறுவன் யாா், எந்த ஊரைச் சோ்ந்தவா், எப்படி இறந்தாா் என்பது தெரியவில்லை. புதிய சட்டை, பேண்ட் அணிந்த நிலையில் அந்தச் சிறுவன் இறந்துகிடந்தது தொடா்பாக போலீஸாா் வழக்குப் பதிந்து விசாரித்து வருகின்றனா்.
