முன்விரோதம்: இருசக்கர வாகனங்களுக்கு தீ வைத்தவா் கைது

சாத்தான்குளம் அருகே முன்விரோதம் காரணமாக இருசக்கர வாகனங்களை தீ வைத்து எரித்த தொழிலாளியை போலீஸாா் திங்கள்கிழமை கைது செய்தனா்.

சாத்தான்குளம் அருகே உள்ள கட்டாரிமங்கலத்தைச் சோ்ந்தவா் பூலோக பாண்டி மகன் சிவா (27), வாகன ஓட்டுநரான இவரும், அதை ஊரைச் சோ்ந்த தொழிலாளி முருகன் மகன் கணேசன் (27) நண்பா்கள்.

சிவா, கணேசனுக்கு அவா் கேட்டதன்பேரில் செலவுக்கு அடிக்கடி பணம் கொடுத்து வந்ததாகத் தெரிகிறது. இந்த நிலையில் பிரச்னை காரணமாக கணேசனுக்கு செலவுக்கு சிவா பணம் கொடுப்பதை நிறுத்தினாா். ஆனால், கணேசன் அவரிடம் தொடா்ந்து பணம் கேட்டு வந்தாா். இதில் இருவருக்கும் இடையே தகராறு இருந்து வந்தது.

இந்த நிலையில் ஞாயிற்றுக்கிழமை இரவு சிவா தனது வீட்டு முன் நிறுத்தியிருந்த தனது மற்றும் தனது தந்தையின் இருசக்கர வாகனங்களை நிறுத்தியிருந்தாா். அப்போது அங்கு வந்த கணேசன் கற்பூர சூடத்தில் இருசக்கர வாகனங்களை எரித்துவிட்டு தலைமறைவானாா். திங்கள்கிழமை காலை வீட்டின் வெளியே சிவா வந்து பாா்த்தபோது

இருசக்கர வாகனங்கள் எரிந்திருந்தன. இதுகுறித்து சிவா அளித்த புகாரின் பேரில் சாத்தான்குளம் காவல் நிலைய போலீஸாா் வழக்குப் பதிந்து அங்கு பொருத்தப்பட்டிருந்த கண்காணிப்பு கேமரா பதிவுகளைக் கைப்பற்றி விசாரணை நடத்தினாா்.

விசாரணையில், கண்காணிப்பு கேமரா பதிவை அணைத்து வைத்து விட்டு கணேசன் இருசக்கர வாகனங்களை கொளுத்தியது தெரியவந்தது. இதையடுத்து போலீஸாா் கணேசனை கைது செய்தனா்.