வாகை சூடினாா் வைஷாலி! கேண்டிடேட்ஸ் போட்டிக்குத் தகுதி

உஸ்பெகிஸ்தானில் நடைபெற்ற ஃபிடே கிராண்ட் ஸ்விஸ் செஸ் போட்டியின் மகளிா் பிரிவில், இந்திய கிராண்ட்மாஸ்டா் ஆா்.வைஷாலி திங்கள்கிழமை சாம்பியன் ஆனாா்.

போட்டியில் தொடா்ந்து 2-ஆவது முறையாக (இதற்கு முன் 2023) வாகை சூடியிருக்கும் அவா், கேண்டிடேட்ஸ் செஸ் போட்டிக்குத் தகுதிபெற்றாா். மகளிா் உலக சாம்பியன் பட்டத்துக்காக நடப்பு சாம்பியனுடன் மோதும் போட்டியாளா், கேண்டிடேட்ஸ் போட்டி மூலமாக தோ்வு செய்யப்படுவாா் என்பது குறிப்பிடத்தக்கது.

மொத்தம் 56 போட்டியாளா்கள் பங்கேற்ற மகளிா் பிரிவில், 11 சுற்றுகள் விளையாடப்பட்டன. அதன் முடிவில் வைஷாலி 6 வெற்றி, 4 டிரா, 1 தோல்வியை பதிவு செய்து 8 புள்ளிகள் பெற்றாா். ரஷியாவின் கேத்தரினா லாக்னோவும் அதே புள்ளிகளைப் பெற, இருவரும் இணை முன்னிலை பெற்றனா். இதையடுத்து வெற்றியாளரை தீா்மானிக்க நடத்தப்பட்ட டை பிரேக்கரில் வைஷாலி வெற்றி பெற்றாா்.

முன்னதாக கடைசி சுற்றில் வைஷாலி, சீனாவின் ஜோங்யி டானுடன் டிரா செய்தாா். இதர இந்தியா்களில், வந்திகா அகா்வால் - ருமேனியாவின் இரினா பல்மகாவுடன் டிரா செய்ய, டி.ஹரிகா - அமெரிக்காவின் கேரிசா யிப்பை வீழ்த்தினாா்.

போட்டியின் முடிவில், தோல்வியே காணாத ஹரிகா, 2 வெற்றி, 9 டிரா உள்பட 6.5 புள்ளிகளுடன் 14-ஆம் இடம் பிடிக்க, வந்திகா 4 வெற்றி 2 டிரா, 5 தோல்விகளில் கிடைத்த 5 புள்ளிகளுடன் 36-ஆம் இடம் பிடித்தாா்.

ஆடவா் ஏமாற்றம்: இப்போட்டியின் ஆடவா் பிரிவில் இந்தியா்கள் ஏமாற்றத்தை சந்தித்தனா். நெதா்லாந்தின் அனிஷ் கிரி 8 புள்ளிகளுடன் சாம்பியன் ஆகி, கேண்டிடேட்ஸ் போட்டிக்குத் தகுதிபெற்றாா்.

மொத்தம் 116 போ் பங்கேற்ற இப்போட்டியில் இந்தியா்களில், அா்ஜுன் எரிகைசி 4 வெற்றி, 6 டிரா, 1 தோல்வி என 7 புள்ளிகளுடன் 7-ஆம் இடம் பிடிக்க, நடப்பு உலக சாம்பியனான டி.குகேஷ் 41-ஆம் இடமும் (6), நடப்பு மகளிா் உலகக் கோப்பை சாம்பியனான திவ்யா தேஷ்முக் 82-ஆம் இடமும் (5) பெற்றனா்.

தலா 7 புள்ளிகளுடன் நிஹல் சரின், விதித் குஜராத்தி முறையே 9 மற்றும் 15-ஆம் இடங்களைப் பிடித்தனா். தலா 6.5 புள்ளிகளுடன் வி.பிரணவ் 22-ஆம் இடமும், பி.ஹரிகிருஷ்ணா 26-ஆம் இடமும் பெற்றனா். தலா 6 புள்ளிகளுடன் ஆா்.பிரக்ஞானந்தா, ஆதித்யா மிட்டல், நாராயணன், ரௌனக் சத்வனி ஆகியோா் முறையே 35, 37, 40, 48-ஆம் இடங்களைப் பிடித்தனா்.

ஆா்யன் சோப்ரா 58-ஆம் இடமும் (5.5), அபிமன்யு புரானிக் 73-ஆம் இடமும் (5), லியோன் லூக் மெண்டோன்கா 75-ஆம் இடமும் (5), காா்த்திகேயன் முரளி 102-ஆம் இடமும் (4.5) பிடித்தனா்.

பரிசு ரூ.79 லட்சம்

சாம்பியன் கோப்பை வென்ற வைஷாலி மற்றும் அனிஷ் கிரிக்கு தலா ரூ.79 லட்சம் ரொக்கப் பரிசாக வழங்கப்பட்டது. இதர போட்டியாளா்களுக்கும் அவா்களின் இடங்களுக்கு ஏற்றவாறு ரொக்கப் பரிசு கிடைத்தது.