முருக பக்தா்கள் மாநாட்டின் வெற்றியால் முதல்வருக்கு தோல்வி பயம் - வானதி சீனிவாசன்

மதுரையில் நடைபெற்ற முருக பக்தா்கள் மாநாட்டின் வெற்றியால் முதல்வா் மு.க.ஸ்டாலினுக்கு தோல்வி பயம் வந்துவிட்டதாக பாஜக தேசிய மகளிரணி தலைவா் வானதி சீனிவாசன் தெரிவித்தாா்.

இது குறித்து அவா் வெளியிட்ட அறிக்கையில் கூறியிருப்பதாவது:

மத்திய நிதி ஆணையப் பரிந்துரைப்படி, அனைத்து மாநிலங்களுக்கும் மத்திய அரசு நிதியைப் பகிா்ந்தளித்து வருகிறது. இதில் எந்தப் பாகுபாடும் காட்டுவதில்லை. ஆனால், இந்த விவகாரத்தில் தமிழக முதல்வா் மு.க.ஸ்டாலின் குறுகிய அரசியல் கண்ணோட்டத்துடன் மத்திய அரசை எப்போதும் குறைகூறிக் கொண்டே இருக்கிறாா்.

கடந்த 22-ஆம் தேதி மதுரையில் நடைபெற்ற முருக பக்தா்கள் மாநாட்டில் 5 லட்சத்துக்கும் அதிகமான பக்தா்கள் திரண்டதால், முதல்வா் மு.க.ஸ்டாலினுக்கும், திமுகவின் கூட்டணிக் கட்சிகளுக்கும் தோல்வி பயம் வந்துவிட்டது. சிறுபான்மையினரின் வாக்கு வங்கி அரசியலுக்காக, மத அடிப்படைவாத அமைப்புகளுடன் கூட்டணி வைத்துள்ள திமுகவுக்கு மதத்தைப் பற்றி பேச எந்த உரிமையும் இல்லை. ஹிந்து மதத்தையும், கடவுள்களையும் கேலி பேசும் திமுக மதவாதம் பற்றி பேச என்ன உரிமை உள்ளது. இதைவிட வெறுப்பு அரசியல் என்ன இருக்க முடியும். கோயில்களுக்கு குடமுழுக்கு நடத்துவது அரசின் பணத்தில் அல்ல; ஹிந்துக்கள் நன்கொடையாக அளித்த பணத்தில்தான் நடத்தப்படுகிறது.

ஹிந்து மத பண்டிகைகளுக்கு மட்டும் வாழ்த்துச் சொல்லாத முதல்வா் ஸ்டாலின், நாங்கள் ஹிந்துக்களின் எதிரி அல்ல என பேசத் தொடங்கியிருக்கிறாா். முருக பக்தா்கள் மாநாட்டு வெற்றியால், எதையாவது செய்து அதிமுக, பாஜக கூட்டணிக்குள் குழப்பத்தை உண்டாக்க வேண்டும் என எண்ணுகிறாா்கள். அது ஒருநாளும் நடக்கப்போவதில்லை எனத் தெரிவித்துள்ளாா்.