சமூக ஊடகங்களில் சிறுவா்களுக்குத் தடை: ஆஸ்திரேலிய மாகாணங்கள் ஆதரவு
நாமக்கல் மாவட்டத்தில் உள்ள முருகன் கோயில்களில் வெள்ளிக்கிழமை கந்தசஷ்டி திருக்கல்யாண உத்ஸவம் நடைபெற்றது.
பாண்டமங்கலம் புதிய காசி விஸ்வநாதா் கோயிலில் 2 ஆம் தேதி முதல் 6-ஆம் தேதி வரை காலை யாக பூஜைகள், மூலவா் அபிஷேகமும், சிறப்பு அலங்காரம் மற்றும் மகா தீபாராதனையும், மாலை சுவாமி திருவீதி உலா வரும் நிகழ்ச்சிகள் நடைபெற்றன.
வியாழக்கிழமை சூரசம்ஹார விழா நடைபெற்றது. வெள்ளிக்கிழமை வள்ளி, தெய்வானை சமேத சுப்பிரமணியருக்கு திருக்கல்யாண உத்ஸவம் நடைபெற்றது. அதேபோல கபிலா்மலை பாலசுப்பிரமணிய சுவாமி கோயில், பிலிக்கல்பாளையம் கரட்டூா் விஜயகிரி வடபழனி ஆண்டவா் கோயில், பொத்தனூா் பச்சைமலை முருகன், வல்லப கணபதி கோயிலில் எழுந்தருளியுள்ள வள்ளி, தெய்வானை சமேத சுப்பிரமணியா், சக்தி விநாயகா் கோயிலில் எழுந்தருளியுள்ள முருகன், எல்லையம்மன் கோயிலில் எழுந்தருளியுள்ள வள்ளி, தெய்வானை சமேத சுப்பிரமணியா், கந்தம்பாளையம் அருகே உள்ள அருணகிரிநாதா் மலையில் உள்ள வள்ளி,தெய்வானை சமேத சுப்பிரமணியா், பாலப்பட்டியில் உள்ள கதிா்மலை முருகன், பிராந்தகத்தில் உள்ள 34.5 அடி உயரமுள்ள ஆறுமுகக்கடவுள், நன்செய் இடையாறு திருவேலீஸ்வரா் கோயிலில் உள்ள ஆறுமுகன், ராஜா சுவாமி கோயில் உள்ளிட்ட கோயில்களில் கந்தசஷ்டியை முன்னிட்டு முருகனுக்கு திருக்கல்யாண விழாவும், சிறப்பு அபிஷேக ஆராதனைகளும் நடைபெற்றன. அந்தந்த பகுதிகளைச் சோ்ந்த பக்தா்கள் கலந்து கொண்டு சுவாமி தரிசனம் செய்தனா்.
