இஸ்ரேல் தாக்குதலில் பறக்கும் ஈரான் கார்கள்! கட்டடங்கள் தரைமட்டம்!
சங்ககிரி வட்டம், கத்தேரி அருகே மூதாட்டியிடம் தங்கச் சங்கிலி பறித்த வழக்கில் கோவையை சோ்ந்த இளைஞரை தேவூா் போலீஸாா் புதன்கிழமை கைது செய்தனா்.
கத்தேரி, கள்ளிப்பாளையம் பகுதியைச் சோ்ந்த விவசாயி ராமசாமி மனைவி செல்லம்மாள் (73). இவா் கடந்த ஜூன் 20ஆம் தேதி வளையக்கரானூா் பகுதியில் இருசக்கர வாகனத்தில் சென்றுகொண்டிருந்தாா். அப்போது, அவ்வழியாக இருசக்கர வாகனத்தில் வந்த இருவா், மூதாட்டியின் கழுத்தில் அணிருந்திருந்த 4 பவுன் தங்கச் சங்கிலியை பறித்துச் சென்றனா்.
இதுகுறித்து வழக்குப் பதிந்த தேவூா் போலீஸாா், சிசிடிவி கேமரா பதிவுகளைக் கொண்டு வழிப்பறியில் ஈடுபட்டவா்களை தேடிவந்தனா். இந்த நிலையில், கோவை, ஜோதிபுரம், பாரதிநகா் பகுதியைச் சோ்ந்த அய்யனாா் மகன் மாரி என்கிற மாரிசன் (29) என்பவரை கைதுசெய்து அவரிடமிருந்து இரண்டரை பவுன் தங்க சங்கிலியை பறிமுதல் செய்து விசாரித்து வருகின்றனா்.
