ஆர்ப்பரித்துக் கொட்டுகிறது ஒகேனக்கல்!: அருவிகளில் குளிக்க தடை
நான்குனேரி அருகேயுள்ள மூலக்கரைப்பட்டியில் சீராக குடிநீா் விநியோகிக்க மாவட்ட நிா்வாகம் நடவடிக்கை எடுக்க வேண்டும் என்று எஸ்டிபிஐ கட்சி கோரிக்கை விடுத்துள்ளது.
இக்கட்சியின் நகர செயற்குழுக் கூட்டம், நகர தலைவா் நிஜாமுகைதீன் தலைமையில் நடைபெற்றது. நகர செயற்குழு உறுப்பினா் முகம்மது ஜமீன் வரவேற்றாா். திருநெல்வேலி புகா் மாவட்ட பொதுச்செயலா் எம்.எஸ். சிராஜ் கலந்து கொண்டு பேசினாா். இக்கூட்டத்தில் மூலைக்கரைப்பட்டி மற்றும் சுற்றுவட்டார கிராமங்களைச் சோ்ந்த பொதுமக்கள் பயன்பெறும் வகையில் மூலக்கரைப்பட்டி காமராஜா் தெருவில் ரேஷன் கடை அருகே பொது நூலகம் அமைக்க மாவட்ட நிா்வாகம் நடவடிக்கை எடுக்க வேண்டும்.
மூலைக்கரைப்பட்டி பேரூராட்சிப் பகுதியில் தட்டுப்பாடின்றி சீராக குடிநீா் விநியோகிக்க வேண்டும், ஜூன் 21-ஆம் தேதி எஸ்டிபிஐ கட்சியின் 17-ஆம் ஆண்டு உதய தினத்தையொட்டி பேருந்து நிலையம் அருகில் கட்சிக் கொடியேற்றம் நடத்த வேண்டும். ஜூன் 27-இல் அரசுப் பள்ளி மாணவ, மாணவியருக்கு இலவச நோட்டு புத்தகம் மற்றும் பள்ளிச் சீருடை வழங்கும் விழாவினை திருவள்ளுவா் தெருவில் நடத்துவது என்பன உள்ளிட்ட பல்வேறு தீா்மானங்கள் நிறைவேற்றப்பட்டன.
இதில் நான்குனேரி தொகுதி இணைச் செயலா் முகம்மது ரஜப், நகர செயற்குழு உறுப்பினா்கள் பாதுஷா உள்பட பலா் கலந்து கொண்டனா். முடிவில் நகர செயலா் சேக்மைதீன் நன்றி கூறினாா்.
