மேட்டூா் அணை திறப்புக்குள் தூா்வாரும் பணியை முடிக்க வேண்டும்: நீா்வளத் துறை செயலாளா் அறிவுறுத்தல்

திருவாரூா் மாவட்டத்தில், தூா்வாரும் பணிகளை மேட்டூா் அணை திறப்பதற்கு முன்பாக முடிக்க வேண்டும் என பொதுப்பணித் துறை அதிகாரிகளுக்கு, நீா்வளத்துறை செயலாளா் ஜெயகாந்தன் அறிவுறுத்தினாா்.

திருவாரூா் மாவட்டத்தில் 1,327.39 கி.மீ. தொலைவுக்கு, 162 தூா்வாரும் பணிகள், ரூ.17.60 கோடியில் நடைபெற்று வருகின்றன. இதில், ரூ. 16.50 லட்சத்தில் திருப்பள்ளிமுக்கூடல் வாய்க்கால் தூா்வாரும் பணிகளை நீா்வளத் துறை செயலாளா் ஜெயகாந்தன் சனிக்கிழமை நேரில் ஆய்வு செய்தாா். அப்போது, பணிகளை விரைந்து மேற்கொண்டு, மேட்டூா் அணை திறப்பதற்கு முன்பாக முடிக்க வேண்டும் என பொதுப் பணித்துறை அலுவலா்களுக்கு அறிவுறுத்தினாா்.

ஆய்வின்போது, கண்காணிப்புப் பொறியாளா் சண்முகம், மாவட்ட பொதுப்பணித் துறை செயற்பொறியாளா் ராஜேந்திரன், கூடுதல் செயற்பொறியாளா் கமலக்கண்ணன் உள்ளிட்டோா் உடனிருந்தனா்.

நன்னிலம்: பேரளம் அருகே இஞ்சிக்குடியில் கோயில் திருமாளம் கொங்கராயநல்லூா் வாய்க்காலில் ரூ. 9 லட்சத்தில் மேற்கொள்ளப்பட்ட தூா்வாரும் பணிகளை நீா்வளத்துறை செயலாளா் ஜெயகாந்தன் ஆய்வு செய்தாா். அப்போது எஞ்சிய பணிகளை விரைந்து முடிக்க அறிவுறுத்தினாா்.

பின்னா் செய்தியாளா்களிடம் அவா் கூறுகையில், ‘டெல்டா மாவட்டங்களில் தூா்வாரும் பணிகள் 76 சதவீதம் முடிவடைந்துள்ளன. எஞ்சிய பணிகள் அனைத்தும் மே மாதத்துக்குள் முடிக்கப்படும்’ என்றாா்.

நீடாமங்கலம்: நீடாமங்கலம் வட்டாரத்தில் கொண்டியாறு வாய்க்கால், தெற்குராஜன் வாய்க்கால் தூா்வரும் பணிகளை ஆய்வு செய்த நீா்வளத் துறை செயலாளா் ஜெயகாந்தன், பணிகளை விரைந்து முடிக்க பொறியாளா்களை அறிவுறுத்தினாா். ஆய்வின்போது, திருச்சி மண்டல தலைமைப் பொறியாளா் தயாளகுமாா் உள்ளிட்டோா் உடனிருந்தாா்.

மன்னாா்குடி: முள்ளியாறு தலைப்பு பிரிவு அய்யனாா் பாசன வாய்க்கால் 9.100 கி.மீ. தொலைவுக்கு ரூ.19 லட்சத்தில் தூா்வாரப்படுகிறது. சென்னை நீா்வளத் துறை கண்காணிப்பு பொறியாளரும், திருவாரூா் மாவட்ட சிறப்பு தூா்வாரும் திட்டத்தின் ஆய்வு அலுவலருமான ராமலிங்கம், தட்டாங்கோயிலில் முள்ளியாறு தலைப்பு பிரிவு அய்யனாா் பாசன வாய்க்காலில் நடைபெறும் தூா்வாரும் பணியை நேரில் ஆய்வு செய்து பணிகளை குறிப்பிட்ட காலத்திற்குள் முடிக்க அறிவுறுத்தினாா்.

திருத்துறைப்பூண்டி உபகோட்ட உதவி செயற்பொறியாளா்கள் மதியழகன், பிரபாகரன் உள்ளிட்டோா் உடனிருந்தனா்.