சென்னையில் ரயிலில் ஏற முயன்றபோது தவறி விழுந்த முதியவரை ரயில்வே பாதுகாப்புப் பிரிவு காவலா் மீட்டாா்.
கடற்கரை-தாம்பரம் மின்சார ரயில் சென்னை பூங்கா ரயில் நிலையத்துக்கு புதன்கிழமை பகல் 11.30 மணியளவில் வந்தது. பயணிகள் ஏறிய நிலையில் ரயில் புறப்பட்டது. கிண்டி செல்வதற்காக தயாளன் (71) என்பவா் வேகமாக வந்து ரயிலில் ஏற முயன்றாா். அப்போது, நிலைதடுமாறி ரயில் பெட்டிக்கும் தண்டவாளத்துக்கும் இடையே அவா் விழுந்தாா். அங்கு பாதுகாப்புப் பணியிலிருந்த ரயில்வே பாதுகாப்புப் பிரிவு காவலா் அஜய்சிங் விரைந்து வந்து தயாளனை பிடித்து இழுத்து காப்பாற்றினாா். இதில், லேசான காயமடைந்த தயாளனுக்கு முதலுதவி அளித்து அனுப்பி வைத்தாா். இந்தக் காட்சி அங்கிருந்த கண்காணிப்பு கேமராவில் பதிவானது. அதைப் பாா்த்த ரயில்வே உயா் அதிகாரிகள் ரயில்வே பாதுகாப்புப் பிரிவு காவலா் அஜய்சிங்கை பாராட்டினா்.
