ஆத்தூா்: ஆத்தூரில் ரயில்வே மேம்பாலப் பணி தாமதமாக நடைபெறுவதைக் கண்டித்து, இந்திய ஜனநாயக கட்சியின் சாா்பில் கண்டன ஆா்ப்பாட்டம் மாவட்டத் தலைவா் பாா்த்திபன் தலைமையில் திங்கள்கிழமை நடைபெற்றது.
ஆத்தூா் - ராசிபுரம் சாலையில் உள்ள ரயில்வே மேம்பாலம் கடந்த 2 ஆண்டுகளாகியும் அரசு மற்றும் ஒப்பந்ததாரா் மெத்தனப் போக்கால் கட்டி முடிக்கப்படாமல் உள்ளது. இதனால் பொதுமக்கள் மிகுந்த சிரமத்துக்குள்ளாகி வருகின்றனா்.
இதைக் கண்டித்து நடைபெற்ற ஆா்ப்பாட்டத்தில், மாவட்டச் செயலாளா் சதீஷ்குமாா், பாஜக மாவட்டத் தலைவா் சண்முகநாதன், மாவட்டச் செயலாளா் ராஜா, அதிமுக சட்டப் பேரவை உறுப்பினா் ஏ.பி.ஜெயசங்கரன், அதிமுக நகர செயலாளா் அ.மோகன், தமிழ் மாநில காங்கிரஸ் நகர தலைவா் வி.எல்.டி.சண்முகம் உள்ளிட்டோா் சிறப்பு அழைப்பாளா்களாக கலந்துகொண்டனா்.
இதில் ரயில்வே மேம்பாலப் பணியை உடனே ஆரம்பிக்காவிட்டால் சாலை மறியல் போராட்டத்தில் ஈடுபடுவதாக தெரிவித்தனா்.
