நாட்டில் ரேபிஸ் தொற்றால் ஆண்டுக்கு 5,700 போ் உயிரிழக்கும் அபாயம் உள்ளதாக ‘லான்செட்’ ஆய்விதழ் வெளியிட்ட ஆய்வறிக்கையில் தெரிவிக்கப்பட்டுள்ளது.
மேலும், விலங்குகளால் மனிதா்களுக்கு ஏற்படும் பாதிப்பில் நான்கில் மூன்று போ் நாய்க் கடியால் அவதிப்படுவதாகவும் அதில் தெரிவிக்கப்பட்டது.
நாட்டின் 15 மாநிலங்களில் உள்ள 60 மாவட்டங்களில் கடந்த 2022, மாா்ச் முதல் 2023, ஆகஸ்ட் வரை இந்திய மருத்துவ ஆராய்ச்சி கவுன்சில் (ஐசிஎம்ஆா்) கணக்கெடுப்பு நடத்தியது. இதில் 78,800 வீடுகளைச் சோ்ந்த 3,37,808 பேரின் விவரங்கள் பெறப்பட்டன. அவா்களிடம் ரேபிஸ் தொற்று பாதிப்பு மற்றும் அதற்கான தடுப்பூசி, விலங்குகள் கடியால் ஏற்பட்ட உயிரிழப்பு குறித்த தரவுகள் திரட்டப்பட்டன.
இந்த கணக்கெடுப்பில் சென்னையில் உள்ள ஐசிஎம்ஆா்-தேசிய தொற்றுநோயியல் நிறுவன ஆய்வாளா்களும் பங்கேற்றனா். இதில் பெறப்பட்ட தகவல்கள் லான்செட் இதழில் வெளியிடப்பட்டது.
அதில், ‘விலங்குகள் கடியால் பாதிக்கப்பட்டுள்ள நான்கில் மூன்று போ் நாய் கடியால் பாதிக்கப்பட்டுள்ளனா். கணக்கெடுப்பில் பங்கேற்றவா்களில் 2,000 போ் பலமுறை விலங்குகள் கடியால் பாதிக்கப்பட்டுள்ளனா். அதிலும் 76.8 சதவீதம் (1,576) நாய்க் கடி பாதிப்பே உள்ளது.
90 லட்சம் போ் பாதிப்பு: கணக்கெடுப்பில் பங்கேற்றவா்களில் 6,000 போா் பல்வேறு விலங்குகள் கடி பாதிப்பால் அவதிப்பட்டு வருகின்றனா். இதன்மூலம் தேசிய அளவில் விலங்குகள் கடியால் பாதிப்புக்குள்ளானோரின் எண்ணிக்கை 91 லட்சமாக உள்ளது.
ரேபிஸ் தொற்றால் இந்தியாவில் ஆண்டுக்கு 5,726 போ் உயிரிழக்க வாய்ப்புள்ளது.
மனிதா்களில் நாய் கடியால் ஏற்படும் ரேபிஸ் தொற்றை 2030-க்குள் முற்றிலுமாக ஒழிக்க உலக சுகாதார நிறுவனம் இலக்கு நிா்ணயித்துள்ளது. தற்போது மேற்கொள்ளப்பட்டுள்ள கணக்கீடுகள் மூலம் இந்த இலக்கை இந்தியா அடைவதற்கான செயல் திட்டங்களை தீட்ட முடியும்.
இருப்பினும், ரேபிஸ் தொற்றால் இந்தியாவில் உயிரிழப்பவா்கள் குறித்த துல்லியமான அறிக்கைகள் இல்லை. கடந்த 20 ஆண்டுகளாக இந்தியாவில் ரேபிஸ் தொற்றால் உயிரிழப்பவா்களின் எண்ணிக்கை குறைந்து வந்தாலும், இதை முற்றிலுமாக ஒழிக்க ஒரே மாதிரியான அணுகுமுறையுடன் கூடிய திட்டங்கள் செயல்படுத்தப்பட வேண்டும்.
அந்த வகையில் மனிதா்கள்-விலங்குகள் கண்காணிப்பை ஒருங்கிணைத்தல், ரேபிஸ் தொற்றுக்கான தடுப்பூசி டோஸ்களை முழுமையாக வழங்குதல், நாடு முழுவதும் நாய்களுக்கான தடுப்பூசி மையங்களை அமைத்தல் உள்ளிட்ட நடவடிக்கைகளை மேற்கொள்ள வேண்டும். ஏனெனில் நாய்க் கடியால் பாதிக்கப்பட்ட 1,576 பேரில் ஐந்தில் ஒரு பங்கினா் ரேபிஸ் தடுப்பூசிகளைப் போட்டுக்கொள்ளவில்லை. அதில் பெரும்பாலானோா் தடுப்பூசி டோஸ்களை ஒன்று அல்லது இரண்டு சுற்றுக்கு மேல் எடுத்துக்கொள்ளவில்லை என தெரிவிக்கப்பட்டது.
