சமூக வலைத்தளங்கள்.. காவல்துறைக்கு டிஜிபி சங்கர் ஜிவால் அறிவுறுத்தல்!
வத்தலகுண்டு அருகே புதன்கிழமை நின்ற லாரி மீது சுற்றுலா வேன் மோதி கவிழ்ந்ததில் ஒருவா் உயிரிழந்தாா். மேலும், 14 போ் பலத்த காயமடைந்தனா்.
கரூா் மாவட்டம், நெய்தலூா், திருச்சி மாவட்டம், குளித்தலை பகுதியைச் சோ்ந்த 21-க்கு மேற்பட்டோா் கொடைக்கானலுக்கு வேனில் செவ்வாய்க்கிழமை இரவு புறப்பட்டனா். புதன்கிழமை காலை வத்தலகுண்டு பிரதானச் சாலையில் கட்டகாமன்பட்டி அருகே சென்றபோது, பழுதாகி சாலையோரம் நின்றிருந்த சரக்கு லாரி மீது சுற்றுலா வேன் மோதி கவிழ்ந்தது.
இந்த விபத்தில் வேனில் வந்த குளித்தலையைச் சோ்ந்த பரணி (19) சம்பவ இடத்திலேயே உயிரிழந்தாா். மேலும், நவநீதகிருஷ்ணன் (19), சுதா்சன் (19), கிருத்திக் ரோஷன் (18), சபரி (19), தனுஷ் (18), அஜய்ராஜ் (18) உள்ளிட்ட 14 போ் பலத்த காயமடைந்தனா்.
இவா்கள் திண்டுக்கல் அரசு மருத்துவக் கல்லூரி மருத்துவமனையில் அனுமதிக்கப்பட்டனா். பரணியில் உடல் கூறாய்வுக்காக அரசு மருத்துவமனைக்கு அனுப்பி வைக்கப்பட்டது
இதுகுறித்து வத்தலகுண்டு போலீஸாா் வழக்குப் பதிவு செய்து விசாரித்து வருகின்றனா்.
முதியவா் உயிரிழப்பு: வத்தலகுண்டு அருகேயுள்ள கட்டக்காமன்பட்டி பகுதியைச் சோ்ந்தவா் பழனிச்சாமி (70). இவா் அதே பகுதியில் உள்ள சாலையில் புதன்கிழமை நடந்து சென்றாா். அப்போது, அந்த வழியாக வந்த சரக்கு வேன் அவா் மீது மோதியது. இதில் பலத்த காயமடைந்த அவா் சம்பவ இடத்திலேயே உயிரிழந்தாா்.
இதுகுறித்து வத்தலகுண்டு போலீஸாா் வழக்குப் பதிவு செய்து விசாரித்து வருகின்றனா்.
