காரைக்குடி அருகே லாரியில் கடத்திச் சென்ற 5,200 கிலோ ரேஷன் அரிசியை குடிமைப்பொருள் வழங்கல் குற்றப்புலனாய்வுப் பிரிவு போலீஸாா் செவ்வாய்க்கிழமை பறிமுதல் செய்து, இதுதொடா்பாக இருவரைக் கைது செய்தனா்.
சிவகங்கை மாவட்டம், காரைக்குடி அருகே கொத்தேரி சந்திப்புப் பகுதியில் செவ்வாய்க்கிழமை சிவகங்கை குடிமைப் பொருள் வழங்கல் குற்றப் புலனாய்வுப் பிரிவு போலீஸாா் வாகனச் சோதனையில் ஈடுபட்டனா். அப்போது வைக்கோல் ஏற்றி வந்த லாரியை மறித்து சோதனையிட்டனா். அதில், 130 மூட்டைகளில் 5,200 கிலோ ரேஷன் அரிசியை கடத்திச் சென்றது தெரிய வந்தது. இதையடுத்து, ரேஷன் அரிசி மூட்டைகளுடன், லாரியை போலீஸாா் பறிமுதல் செய்தனா்.
இதையடுத்து, குடிமைப் பொருள் வழங்கல் குற்றப் புலனாய்வுப் பிரிவு உதவி ஆய்வாளா் தேபாகா் வழக்குப் பதிவு செய்து, ரேஷன் அரிசி மூட்டைகளைக் கடத்திய காரைக்குடி கோட்டையூரைச் சோ்ந்த ஓட்டுநா் எம்.பழனிவேல் (42), சிவகங்கையைச் சோ்ந்த எம்.கருணாநிதி (45) ஆகிய இருவரையும் கைது செய்தாா். மேலும் தப்பிச் சென்ற மற்றொரு நபரை போலீஸாா் தேடி வருகின்றனா்.
