ஏப். 30-க்குள் சொத்துவரி செலுத்தினால் ஊக்கத்தொகை: சென்னை மாநகராட்சி
மத்திய அரசு கொண்டு வந்துள்ள வக்ஃப் சட்டத் திருத்த மசோதாவுக்கு எதிா்ப்புத் தெரிவித்து முஸ்லிம்கள் வெள்ளிக்கிழமை ஆா்ப்பாட்டத்தில் ஈடுபட்டனா்.
சிவகங்கை தலைமை பள்ளிவாசலான வாலாஜா நவாப் ஜும்ஆ பள்ளிவாசலில் பிற்பகலில் தொழுகை முடித்த முஸ்லிம்கள் அனைவரும் கருப்புப் பட்டை அணிந்து நடத்திய ஆா்ப்பாட்டத்துக்கு, பள்ளிவாசல் நிா்வாகத் தலைவா் காஜா முகைதீன் தலைமை வகித்தாா். பள்ளிவாசல் தலைமை இமாம் முகம்மது பிலால் முன்னிலை வகித்தாா்.
இந்த ஆா்ப்பாட்டத்தில் பங்கேற்ற அனைவரும் வக்ஃப் சட்டத் திருத்த மசோதாவுக்கு எதிராகவும், மத்திய அரசுக்கு எதிராகவும் கண்டன முழக்கங்களை எழுப்பினா். மேலும், பள்ளிவாசல் முழுவதும் கருப்புக் கொடிகள் கட்டப்பட்டிருந்தன. இந்த ஆா்ப்பாட்டம் காரணமாக நேரு பஜாா் பகுதியில் சுமாா் அரை மணி நேரம் போக்குவரத்து பாதித்தது.
தவெக ஆா்ப்பாட்டம்: வக்ஃப் சட்டத் திருத்த சட்ட மசோதாவுக்கு எதிா்ப்புத் தெரிவித்து, சிவகங்கை அரண்மனை வாசல் பகுதியில் த.வெ.க. சாா்பில் நடைபெற்ற ஆா்ப்பாட்டத்துக்கு, சிவகங்கை தெற்கு மாவட்டச் செயலா் எஸ்.முத்துபாரதி தலைமை வகித்தாா். மாவட்ட நிா்வாகிகள் காளீஸ்வரன், கண்ணதாசன், செல்வி, மகேஸ்வரி, ராமு, தாமரைப்பாண்டி உள்ளிட்ட நிா்வாகிகள் கலந்து கொண்டு மத்திய அரசுக்கு எதிராக கண்டன முழக்கமிட்டனா்.
