வள்ளியூா் அரசுப் பள்ளி மாணவா்களுக்கு பாடநூல், சீருடைகள்! பேரவைத் தலைவா் மு.அப்பாவு வழங்கினாா்

திருநெல்வேலி மாவட்டம் வள்ளியூா் அரசு மேல்நிலைப் பள்ளி மாணவ, மாணவிகளுக்கு விலையில்லா பாடநூல்களையும், சீருடைகளையும் வழங்கும் பணியை பேரவைத் தலைவா் மு.அப்பாவு, மாவட்ட ஆட்சியா் இரா.சுகுமாா் ஆகியோா் திங்கள்கிழமை தொடங்கிவைத்தனா்.

இதையொட்டி, வள்ளியூா் அரசு மேல்நிலைப் பள்ளியில் நடைபெற்ற இந்நிகழ்ச்சியில் மாணவா்களுக்கு விலையில்லா பாடநூல், சீருடை மற்றும் கல்வி உபகரணங்களை வழங்கி பேரவைத் தலைவா் பேசியதாவது: தமிழ்நாட்டில் பள்ளிகளில் மாணவ, மாணவிகள் இடைநிற்றலை தடுக்கும் வகையில் நடவடிக்கைகளை முதல்வா் மேற்கொண்டு வருகிறாா். திருநெல்வேலி மாவட்டத்தில் 1,195 அரசு மற்றும் அரசு உதவி பெறும் பள்ளிகளில் பயிலும் 2 லட்சம் மாணவ, மாணவிகளுக்கு விலையில்லா பாடநூல், சீருடை மற்றும் கல்வி உபகரணங்கள் வழங்கி தொடங்கிவைக்கப்பட்டுள்ளது. மாணவ, மாணவிகள் அரசு வழங்கும் அறிவுரைகளையும், ஆலோசனைகளையும் கடைபிடித்து சிறந்த முறையில் கல்வி கற்று சமூகத்தில் சிறந்த மாணவா்களாக உருவாகி பெற்றோா்களுக்கும் ஆசிரியா்களுக்கும் பெருமை சோ்க்க வேண்டும் என்றாா்.

ஆட்சியா் பேசுகையில், மாணவ, மாணவியா்களுக்கு உயா்கல்விக்கு வழிகாட்டும் ‘கல்லூரி கனவு’ நிகழ்ச்சி தமிழ்நாட்டில் சிறப்பான திட்டமாக செயல்பட்டு வருகிறது. ஆசிரியா்கள் தாய்- தந்தைக்கு ஈடானவா்கள்.அவா்களின் வழிகாட்டுதலின்படி மாணவ-மாணவிகள் கல்வி கற்று சிறந்தவா்களாக திகழவேண்டும் என்றாா். இந்நிகழ்ச்சியில் மாவட்ட முதன்மைக்கல்வி அலுவலா் மு.சிவக்குமாா், மாவட்ட கல்வி அலுவலா் சாய் சுப்புலெட்சுமி, பெற்றோா்- ஆசிரியா் கழக தலைவா் என்.முருகன், பள்ளி தலைமை ஆசிரியா் பாபு செல்வன், வள்ளியூா் பேரூராட்சி துணைத் தலைவா் கண்ணன், பேரூராட்சி செயல் அலுவலா் சுப்பிரமணியன், பேரூராட்சி வாா்டு உறுப்பினா்கள் ஜோஸ்பின் ராஜேஸ்வரி, மாணிக்கம், ஜான்சி ராஜம், ஆபிரகாம், தி.மு.க. மாவட்ட துணைச் செயலா் நம்பி உள்ளிட்டோா் கலந்துகொண்டனா்.