தருமபுரி: வழக்கிலிருந்து விடுவிப்பதாக கூறி ரூ.10 ஆயிரம் லஞ்சம் பெற்ற தலைமைக் காவலரை லஞ்ச ஒழிப்பு போலீஸாா் திங்கள்கிழமை கைது செய்தனா்.
தருமபுரி மாவட்டம், காரிமங்கலம் வட்டம், அனுமந்தபுரம் அருகே உள்ள மதனேரிகொட்டாய் கிராமத்தை சோ்ந்தவா் சக்திகுமாா். இவா்மீது ஆபாசமாகப் பேசி, பொருள்களை சேதப்படுத்தி கொலை மிரட்டல் விடுத்தது தொடா்பான குற்றச்சாட்டுகளின் பேரில் கடந்த 2021-இல் பாலக்கோடு காவல் நிலையத்தில் வழக்குப் பதிவு செய்யப்பட்டது. இவ்வழக்கு தொடா்ந்து நிலுவையில் இருந்து வந்தது.
இவ்வழக்கில் அவரை பிணையில் அனுப்பிவைக்க பாலக்கோடு காவல் நிலையத்தில் தலைமைக் காவலராகப் பணிபுரியும் டி.சுரேஷ் (46) சக்திகுமாரிடம் ரூ. 10 ஆயிரம் லஞ்சமாக தரவேண்டும் என்று வற்புறுத்தியுள்ளாா்.
லஞ்சம் கொடுக்க விரும்பாத சக்திகுமாா் இதுகுறித்து தருமபுரி மாவட்ட லஞ்ச ஒழிப்பு மற்றும் கண்காணிப்புப் பிரிவு போலீஸில் புகாா் அளித்தாா். புகாரின்பேரில் லஞ்ச ஒழிப்புத் துறை போலீஸாா் வழக்குப் பதிவு செய்தனா். இதைத்தொடா்ந்து திங்கள்கிழமை ரசாயனம் தடவிய ரூ. 10 ஆயிரத்தை சக்திகுமாா் தலைமைக் காவலரிடம் அளித்தபோது அங்கு மறைந்திருந்த லஞ்ச ஒழிப்பு துறை துணை கண்காணிப்பாளா் நாகராஜன், ஆய்வாளா் பெருமாள் ஆகியோா் தலைமைக் காவலா் சுரேஷை பிடித்தனா். இதையடுத்து லஞ்ச பணம் மற்றும் சில ஆவணங்களைக் கைப்பற்றி விசாரணை மேற்கொண்டனா். தொடா்ந்து லஞ்சம் வாங்கிய குற்றத்திற்காக அவரை கைது செய்து விசாரணை செய்து வருகின்றனா்.
