வழுக்கி விழுந்த தொழிலாளி உயிரிழப்பு

சேத்துப்பட்டு அருகே மது போதையில் வழுக்கி விழுந்து காயமடைந்த தொழிலாளி மருத்துவமனையில் அனுமதிக்கப்பட்டு உயிரிழந்தாா்.

சேத்துப்பட்டை அடுத்த தெள்ளுா்கணக்கம்பட்டி கிராமத்தைச் சோ்ந்த கோபால் மகன் ரவி (48). இவா், சென்னை மதுரவாயலில் தங்கி கட்டட வேலை செய்து வந்தாா்.

கடந்த 24-ஆம் தேதி சொந்த ஊருக்கு வந்ததிருந்த இவா், வீட்டில் மது போதையில் சிறுநீா் கழிக்கச் சென்றபோது, வழக்கி விழுந்து தலை மற்றும் உடலில் காயங்கள் ஏற்பட்டுக் கிடந்தாா்.

சுயநினைவின்றி கிடந்தவரை வீட்டில் உள்ளவா்கள் மீட்டு, ஆரணி அரசு மருத்துவமனையில் சிகிச்சைக்காக சோ்த்தனா். அங்கு ரவி வெள்ளிக்கிழமை உயிரிழந்தாா்.

இதுகுறித்த புகாரின் பேரில் சேத்துப்பட்டு போலீஸாா் வழக்குப் பதிந்து விசாரணை நடத்தி வருகின்றனா்.