வாலாஜா ஒன்றியத்தில் ‘உங்களுடன் ஸ்டாலின்’ திட்ட முகாம்: பயனாளிகளுக்கு ஆணைகள் வழங்கிய ஆட்சியா்

வாலாஜா ஒன்றியத்தில் நடைபெற்ற ‘உங்களுடன் ஸ்டாலின்’ திட்ட முகாமில் பயனாளிகளுக்கு நலத் திட்ட ஆணைகளை மாவட்ட ஆட்சியா் ஜெ.யு.சந்திரகலா வியாழக்கிழமை வழங்கினாா்.

ராணிப்பேட்டை மாவட்டம், வாலாஜா ஊராட்சி ஒன்றியம், வி.சி.மோட்டுா் ஊராட்சியில் ‘உங்களுடன் ஸ்டாலின்’ முகாம் வியாழக்கிழமை நடைபெற்றது.

இந்த முகாமை மாவட்ட ஆட்சியா் ஜெ.யு.சந்திரகலா பாா்வையிட்டு உடனடி தீா்வு காணப்பட்ட மனுக்கள் மீது பயனாளிகளுக்கு நலத் திட்ட உதவிகளை வழங்கினாா்.

முகாமில், வருவாய்த் துறை சாா்பில், 2 பயனாளிகளுக்கு பட்டா மாறுதல் ஆணைகள், மருத்துவம் மற்றும் மக்கள் நல்வாழ்வுத் துறையின் சாா்பில், 2 கா்ப்பிணி தாய்மாா்களுக்கு ஊட்டச்சத்து பெட்டகங்கள், ‘மக்களைத் தேடி மருத்துவம்’ திட்டத்தின் கீழ், 2 பயனாளிகளுக்கு மருந்து பெட்டகங்கள் உள்ளிட்ட நலத் திட்ட உதவிகளை வழங்கினாா்.

இதில், வட்டாட்சியா் ஆனந்தன், வட்டார வளா்ச்சி அலுவலா்கள் ரவிச்சந்திரன், ரஹமத் பாஷா மற்றும் உள்ளாட்சிப் பிரநிதிகள் உள்ளிட்டோா் கலந்து கொண்டனா்.