விபத்தில் மூதாட்டி உயிரிழப்பு

வீரபாண்டி அருகே சனிக்கிழமை சாலையை கடக்க முயன்ற மூதாட்டி மீது அடையாளம் தெரியாத வாகனம் மோதியதில் உயிரிழந்தாா்.

தேனி மாவட்டம், போடி வினோபாஜி குடியிருப்பைச் சோ்ந்த முருகவேல் மனைவி பொன்னுத்தாய் (79). இவா் வீரபாண்டி அருகேயுள்ள கெளமாரியம்மன் கோயிலில் உறவினரின் நோ்த்திக் கடன் விருந்துக்குச் சென்றாா்.

பின்னா், கோட்டூா் பெட்ரோல் விற்பனை நிலையம் அருகே நடந்து சென்று சாலையை கடக்க முயன்றாா். அப்போது, அடையாளம் தெரியாத வாகனம் பொன்னுத்தாய் மீது மோதிவிட்டு நிற்காமல் சென்றுவிட்டது.

இதில் பலத்த காயமடைந்த அவா் தேனி அரசு மருத்துவக் கல்லூரி மருத்துவமனையில் அனுமதிக்கப்பட்டு, அங்கு சனிக்கிழமை உயிரிழந்தாா்.

இதுகுறித்து வீரபாண்டி காவல் நிலைய போலீஸாா் வழக்கு பதிவு செய்து விசாரித்து வருகின்றனா்.