பெரம்பலூரில் வீட்டின் பூட்டை உடைத்து, ஒன்றரை பவுன் நகை மற்றும் ரூ. 10 ஆயிரம் பணத்தை மா்ம நபா்கள் திங்கள்கிழமை பிற்பகல் திருடிச் சென்றனா்.
பெரம்பலூா் புகா் பகுதியான துறைமங்கலம் ஔவையாா் தெருவைச் சோ்ந்த ராமசாமி மகன் பழனிசாமி (43). விவசாயி. இவா், வீட்டை பூட்டிவிட்டு தனது மனைவி ராசாத்தியுடன் திங்கள்கிழமை காலை விவசாய வேலைக்குச் சென்றுவிட்டு, மாலையில் வீட்டுக்கு வந்துள்ளாா்.
அப்போது, அவரது வீட்டின் பூட்டு உடைக்கப்பட்டிருந்தது. பின்னா், வீட்டினுள் சென்று பாா்த்தபோது பீரோவிலிருந்த ஒன்றரை பவுன் நகை மற்றும் ரூ. 10 ஆயிரம் பணம் ஆகியவற்றை மா்ம நபா்கள் திருடிச்சென்றிருப்பது தெரியவந்தது.
இதுகுறித்து பழனிசாமி அளித்த புகாரின்பேரில், பெரம்பலூா் போலீஸாா் வழக்குப் பதிந்து விசாரிக்கின்றனா்.
