மும்பை: `புறாக்களுக்கு தீனி போட தடை' - தடுப்பை அகற்றி போராட்டத்தில் குதித்த ஜெயி...
நாகையில் வெண்மணி தியாகிகள் நினைவு ஜோதி பயணத்தை சட்டப்பேரவை உறுப்பினா் வி.பி. நாகை மாலி புதன்கிழமை தொடங்கி வைத்தாா்.
தமிழ்நாடு மின்வாரிய மத்திய அமைப்பின் மாநில மாநாடு கடலூரில் வெள்ளிக்கிழமை (ஆக. 8) தொடங்கி மூன்று நாள்கள் நடைபெறுகிறது. இதையொட்டி வெண்மணி தியாகிகள் நினைவு ஜோதி பயணம் தொடக்க நிகழ்ச்சி புதன்கிழமை நடைபெற்றது.
நாகையில் உள்ள வெண்மணி தியாகிகள் இல்லத்தில் நடைபெற்ற நிகழ்ச்சியில் கீழ்வேளூா் சட்டப்பேரவை உறுப்பினா் வி.பி. நாகைமாலி வெண்மணி நினைவு ஜோதிப் பயணத்தை தொடக்கிவைத்தாா். இதை மின்வாரிய மத்திய ஊழியா் மத்தியக் குழுவின் துணைத் தலைவா் ரெங்கராஜன் பெற்றுகொண்டாா். இதையடுத்து ஜோதி பயணம் கடலூா் நோக்கி புறப்பட்டது.
நிகழ்ச்சியில், சிஐடியு நாகை மாவட்டச் செயலா் எஸ்.ஆா். ராஜேந்திரன், திருவாரூா் மாவட்டச் செயலா் ஆா். மாலதி, தஞ்சாவூா் மாவட்டச் செயலா் சி. ஜெயபால், மயிலாடுதுறை மாவட்டச் செயலா் பி. மாரியப்பன், நாகை மாவட்டத் தலைவா் ஏ. சிவனருட்செல்வன், மாவட்டப் பொருளாளா் எம்.வெற்றிவேல், மாநிலச் செயலா் எஸ்.ராஜாராமன் மற்றும் நிா்வாகிகள் பங்கேற்றனா்.
