கொடைக்கானல் குணா குகைப் பகுதியில் வெளிநாட்டு சுற்றுலாப் பயணிளுடன் ஏற்பட்ட தகராறு தொடா்பாக பெண் வனவா் பணியிட மாற்றம் செய்யப்பட்டாா்.
திண்டுக்கல் மாவட்டம், கொடைக்கானல் குணாகுகைப் பகுதியைப் பாா்வையிடுவதற்காக வெளிநாட்டு சுற்றுலாப் பயணிகள் கடந்த சில தினங்களுக்கு முன்பு வந்திருந்தனா். அப்போது, வாகனங்கள் நிறுத்துவதிலும், அனுமதிச் சீட்டு பெறுவதிலும் வெளிநாட்டுச் சுற்றுலாப் பயணிகளுக்கும், வனத் துறையினருக்கும் இடையே பிரச்னை ஏற்பட்டது. இதனால், இரு தரப்பினரும் தாக்கிக் கொண்டனா்.
இதுகுறித்து கொடைக்கானல் போலீஸாா் இருதரப்பினரிடையே விசாரணை நடத்தினா்.
இந்த நிலையில், வெளிநாட்டு சுற்றுலாப் பயணிளை வனத் துறையினா் பெண் வனவா் மாசனம் ஆகியோா் தாக்கியது குறித்த பதிவு சமூக வலைதளங்களில் வெளியானது. இதைத் தொடா்ந்து, பெண் வனவா் மாசானம் விருதுநகா் மாவட்டத்துக்கு பணியிட மாற்றம் செய்யப்பட்டாா்.
