வெள்ளக்கோவிலில் ரத்த தான முகாம்

வெள்ளக்கோவிலில் அரசு சமுதாய சுகாதார நிலையம், மகாத்மா காந்தி நற்பணி மன்ற அறக்கட்டளை, ஆயிர நகர வைசியா் இளைஞா் அமைப்பு சாா்பில் ரத்த தான முகாம் வியாழக்கிழமை நடைபெற்றது.

வட்டார மருத்துவ அலுவலா் டி.ராஜலட்சுமி முகாமைத் தொடங்கிவைத்தாா்.

மகாத்மா காந்தி நற்பணி மன்ற அறக்கட்டளைத் தலைவா் ஆா்.ராஜ்குமாா் முன்னிலை வகித்தாா். தாராபுரம் அரசு ரத்த வங்கி மருத்துவா் சக்திராஜன் தலைமையிலான மருத்துவக் குழுவினா் ரத்த தானம் பெற்றனா்.

முகாமில், மொத்தம் 111 யூனிட் ரத்தம் தானமாகப் பெறப்பட்டு அரசு ரத்த வங்கிக்கு வழங்கப்பட்டது. மகாத்மா காந்தி நற்பணி மன்ற செயலாளா் சீனிவாசன், துணைச் செயலாளா் தனுஷ் ராம் உள்ளிட்டோா் பங்கேற்றனா்.