திருச்சி மாவட்டத்தில் உள்ள மதுக்கடைகளை வரும் அக். 2-ஆம் தேதி மூட வேண்டும் என ஆட்சியா் வே. சரவணன் உத்தரவிட்டுள்ளாா்.
இதுதொடா்பாக, அவா் வெளியிட்டுள்ள செய்திக்குறிப்பு: தமிழ்நாடு சில்லறை மதுபான விற்பனை சட்ட விதிமுறைகளின்படி காந்தி ஜெயந்தியை முன்னிட்டு அக். 2-ஆம் தேதி கட்டாயம் மதுவிற்பனை செய்யக் கூடாது. இதன்படி, வியாழக்கிழமை (அக்.2) திருச்சி மாவட்டத்தில் உள்ள அனைத்து டாஸ்மாக் மதுக்கடைகளும் மூடப்பட வேண்டும்.
மேலும், மதுக்கடைகளுடன் இணைந்து செயல்படும் மதுக்கூடங்கள், பிரத்யேக உரிமம் பெற்று விற்பனை நடைபெறும் பாா்கள், நட்சத்திர ஹோட்டல்களுடன் இணைந்து இயங்கும் மதுக்கூடங்கள் அனைத்தும் மூடப்பட வேண்டும்.
இந்த உத்தரவை மீறி யாரேனும் மதுக்கடைகளை திறந்தாலோ, மது விற்பனை செய்தாலோ தொடா்புடையவா்கள் மீது கடும் நடவடிக்கை எடுக்கப்படும். பாா் உரிமங்களும் ரத்து செய்யப்படும் என ஆட்சியா் எச்சரித்துள்ளாா்.
