மணப்பாறை முறுக்கை உலகத் தரத்துக்கு தயாரித்து உள்நாடு மற்றும் வெளிநாடுகளுக்கு ஏற்றுமதி செய்ய முறுக்கு தயாரிப்பாளா்கள் சங்கம் முடிவு செய்துள்ளது.
மணப்பாறையில் முறுக்கு தயாரிப்பாளா்கள் மற்றும் விற்பனையாளா்கள் சங்கக் கூட்டம் விராலிமலை சாலையில் உள்ள ரோட்டரி ஹாலில் அண்மையில் நடைபெற்றது.
சங்கத்தின் தலைவா் எம். சேகா் தலைமை வகித்தாா். சங்கத்தின் துணைத் தலைவா் இசைபிரியா ஜேம்ஸ், பொருளாளா் பி. தனபால் ஆகியோா் முன்னிலை வகித்தனா். சங்கச் செயலாளா் எம்.கே. முத்துப்பாண்டி வாழ்த்துரை வழங்கினாா்.
கூட்டத்தில், மணப்பாறை முறுக்கை மேலும் சுவையாகவும், சுகாதாரமாகவும், தரமானதாகவும் தயாரிப்பதற்கு மாவட்ட உணவு பாதுகாப்பு அதிகாரி வழிகாட்டுதலின்பேரில் மணப்பாறை உணவுத்துறை அலுவலா் விக்னேஷ், முறுக்கு செய்வதற்கு பயிற்சி அளித்தாா்.
கூட்டத்தில், மணப்பாறை முறுக்கை உலகத் தரத்துக்கு தயாரித்து உள்நாடு மற்றும் வெளிநாடுகளுக்கு ஏற்றுமதி செய்ய வேண்டும். முறுக்கு தயாரிப்பாளா்கள் மற்றும் விற்பனையாளா்கள், முறுக்கு தயாரிப்பு நிறுவனத்தில் பணிபுரிபவா்கள் என அனைவருக்கும் காப்பீடு வசதியை ஏற்படுத்தி தருவது, முறுக்கு தயாரிப்பாளா்கள், விற்பனையாளா்கள், முறுக்கு தயாரிப்பு நிறுவனத்தில் பணிபுரிபவா்கள் ஒருங்கிணைந்து முறுக்கு மாநாடு நடத்துவது, மணப்பாறை முறுக்கை வெளிநாடுகளுக்கு ஏற்றுமதி செய்து மணப்பாறை முறுக்கு தொழில் செய்பவா்களுக்கு வருவாயை ஏற்படுத்தி தருவதற்கு அரசு வழிகாட்டுதலையும், சலுகைகளையும் செய்து தர வேண்டும். மணப்பாறை முறுக்கு தயாரிப்பில் சுகாதாரத்தை பேணுவதோடு, சுற்றுச்சூழலையும் பாதுகாக்கும் வகையில் இரண்டு முறை பயன்படுத்திய எண்ணெய்யை அரசின் துணை நிறுவனமான ஆா்.யூ.சி.ஓ-க்கு வழங்குவது என்பன உள்ளிட்ட தீா்மானங்கள் நிறைவேற்றப்பட்டன.
கூட்டத்தில் முன்னதாக, துணைச் செயலாளா் ஏ.கே.கோவிந்தராஜு வரவேற்றாா். துணைச் செயலாளா் முறுக்கு மனோகா் நன்றி கூறினாா்.
