``சரியானவர்களை பின்பற்ற வேண்டும்; இல்லையென்றால் தவறாக வழிநடத்தப்படுவோம்'' - இயக்...
திருச்சியில் சாலை விபத்தில் இருவா் உயிரிழந்த வழக்கில் குற்றவாளிக்கு 2 ஆண்டுகள் சிறைத் தண்டனை விதித்து நீதிமன்றம் செவ்வாய்க்கிழமை தீா்ப்பளித்தது.
திருச்சி மத்திய பேருந்து நிலையம் அருகே பிரகாஷ் ரத்தோா், அவரது மகன் ரவி இருவரும் கடந்த 2017 அக்டோபா் 29-ஆம் தேதி தள்ளுவண்டியில் கம்பளி வியாபாரம் செய்துகொண்டிருந்தனா். அப்போது, அந்த வழியாக வந்த காா் தள்ளுவண்டி மீது மோதியதில் இருவரும் பலத்த காயமடைந்தனா். இதில், பிரகாஷ் ரத்தோா் மருத்துவமனைக்கு கொண்டுச்செல்லும் வழியிலேயே உயிரிழந்தாா். திருச்சி அரசு மருத்துவமனையில் அனுமதிக்கப்பட்டிருந்த ரவி சிகிச்சை பலனின்றி நவம்பா் 4-ஆம் தேதி உயிரிழந்தாா்.
இதுதொடா்பாக திருச்சி தெற்கு போக்குவரத்துப் புலனாய்வுப் பிரிவு போலீஸாா் வழக்குப் பதிந்து திருச்சி கருமண்டபம் புதுத்தெருவைச் சோ்ந்த நாகராஜன் மகன் ஜெயச்சந்திரனை (30) கைது செய்தனா்.
இந்த வழக்கு திருச்சி மாவட்ட 5-ஆவது நீதித்துறை நடுவா் நீதிமன்றத்தில் நடைபெற்று வந்தது. வழக்கின் விசாரணை நிறைவடைந்த நிலையில் நீதிபதி மு.டாா்வின் முத்து செவ்வாய்க்கிழமை தீா்ப்பு வழங்கினாா்.
இதில், குற்றவாளிக்கு 304 ஏ-ன் கீழ் ஒருவா் உயிரிழப்புக்கு 2 ஆண்டுகள் வீதம் இருவா் உயிரிழப்புக்கும் சோ்த்து மொத்தமாக 4 ஆண்டுகள் சிறைத் தண்டனையும், ரூ.5 ஆயிரம் அபராதமும் விதித்து உத்தரவிட்டாா்.
மேலும், சிறைத்தண்டனையை ஏககாலத்தில் அனுபவிக்கவும், அபராதத் தொகையை செலுத்தத் தவறும்பட்சத்தில் கூடுதலாக 1 மாதம் சிறைத்தண்டனை அனுபவிக்கவும் உத்தரவிட்டாா். இந்த வழக்கில் அரசு வழக்குரைஞா் பி.வெங்கடேசன் ஆஜரானாா்.
