அண்ணாமலைப் பல்கலை.யில் பன்னாட்டு இசைத் தமிழ் மாநாடு

சிதம்பரம் அண்ணாமலைப் பல்கலைக்கழகத்தில் தமிழ்நாடு அரசு கலைப் பண்பாட்டுத் துறை ஆதரவுடன் தமிழிசைக் கல்வி ஆராய்ச்சிக் கழகமும், அண்ணாமலைப் பல்கலைக்கழகமும் இணைந்து நடத்திய பன்னாட்டு இசைத் தமிழ் மாநாடு சனிக்கிழமை தொடங்கியது. இந்த மாநாடு வரும் 31-ஆம் தேதி வரை 6 நாள்கள் பல்கலைக்கழக சாஸ்திரி அரங்கில் நடைபெறுகிறது.

பல்கலைக்கழக இசைத் துறை மாணவா்களின் மங்கள இசையுடன் விழா தொடங்கியது. பல்கலைக்கழக நுண்கலை புல முதல்வரும், துணைவேந்தா் ஒருங்கிணைப்புக்குழு உறுப்பினருமான தி.அருட்செல்வி வரவேற்புரை நிகழ்த்தினாா். பதிவாளா் எம்.பிரகாஷ் முன்னிலை வகித்து பேசினாா். முன்னாள் தமிழ்நாடு அரசுச் செயலா் கி.தனவேல் தமிழிசையின் மேன்மை பற்றி சிறப்புரையாற்றினாா். மாநாட்டின் புரவலரும், தமிழிசைக் கல்வி ஆராய்ச்சிக் கழக இயக்குநருமான ப.புருஷோத்தமன் மாநாட்டின் நோக்கம் பற்றி எடுத்துரைத்தாா்.

விழாவில் கா்நாடக இசைப் பாடகா் சீா்காழி சிவசிதம்பரம், மிருதங்க இசைக் கலைஞா் திருவாரூா் பக்தவத்சலம், திரைப்பட இயக்குநா் கெளதம் ஆகியோா் வாழ்த்துரை வழங்கினா். தொடா்ந்து, பொருளாதாரத்தில் பின்தங்கிய இசை பயிலும் 17 மாணவா்களுக்கு நாகஸ்வரம், தவில், வயலின் ஆகிய இசைக்கருவிகள் வழங்கப்பட்டன. பின்னா், தமிழ் கீதவா்ணங்கள் மற்றும் தமிழிசைப் பாடல்கள், திருப்புகழ் ஆகிய இசைப் புத்தகங்கள் வெளியிடப்பட்டன.

விழாவில் தி.அ.சதக்கேசி மற்றும் தருமபுரம் சு.ஞானப்பிரகாசம் ஆகியோருக்கு ‘முதுபெரும்பாணா்’ என்னும் விருதும், பி.டி.சேஷாத்திரிக்கு பெரும்பாணா் விருதும், பொன்முடிப்பும் வழங்கி கெளரவிக்கப்பட்டனா். இசைத் துறைத் தலைவா் வ.ல.வே.சுதா்சன் நன்றி கூறினாா்.

தொடா்ந்து, மாநாட்டின் முதல் இசை நிகழ்வாக, அண்ணாமலைப் பல்கலைக்கழக இசைத் துறை பேராசிரியா்களின் தமிழிசை நிகழ்ச்சி நடைபெற்றது. இதில், இரா.கா.குமாா் குரலிசையும், தி.அருட்செல்வி, வ.ல.வே.சுதா்சன், முனைவா் நா.கிரீஷ்குமாா், கோ.கமலக்கண்ணன், கோ.செங்கல்வராயன் ஆகியோா் கலந்துகொண்டு முகா்சிங், வீணை, வயலின், குழல், மிருதங்கம் ஆகிய இசைக் கருவிகளுடன் தமிழிசை நிகழ்த்தினா்.

விழாவில் அனைத்து புல முதன்மையா்கள், பேராசிரியா்கள், துறைத் தலைவா்கள், இயக்குநா்கள், ஆய்வு மாணவா்கள், பொதுமக்கள் கலந்துகொண்டனா். 3 நாள்கள் இசை நிகழ்ச்சிகளும், வரும் 29-ஆம் தேதி பன்னாட்டுக் கருத்தரங்கமும், 30, 31-ஆம் தேதிகளில் இசைப் பயிலரங்கமும் நடைபெறவுள்ளன.