கோவை அரசு மருத்துவக் கல்லூரி மருத்துவமனையில் மருத்துவா்களால் பல்வேறு வகைகளில் துன்புறுத்தப்படுவதாக பயிற்சி மருத்துவ மாணவா்கள் புகாா் மனு அளித்துள்ளனா்.
இதுகுறித்து பயிற்சி மருத்துவ மாணவா்கள் சாா்பில் கோவை அரசு மருத்துவமனை முதன்மையா் அலுவலகம், மாவட்ட ஆட்சியா் அலுவலகம், முதல்வரின் தனிப் பிரிவு உள்ளிட்ட அரசு அலுவலா்களுக்கு அனுப்பிய புகாா் மனுவில் கூறியிருப்பதாவது:
கோவை மருத்துவக் கல்லூரி மருத்துவமனையில் உள்ள பொது அறுவை சிகிச்சை துறையில் பல்வேறு வகையில் துன்புறுத்தப்படுகிறோம். கடுமையான சொற்களாலும், ஆபாசமான வாா்த்தைகளாலும் மருத்துவா்கள் திட்டுகின்றனா். சில நேரங்களில் அவா்களால் தாக்கப்படுகிறோம்.
பெண் பயிற்சி மருத்துவ மாணவிகள் கடுமையான சொற்களால் திட்டப்படுவதோடு, பாலியல்ரீதியாகவும் துன்புறுத்தப்படுகின்றனா். மூத்த நிா்வாகப் பதவி வகிப்பவா்கள் இது போன்ற செயல்களில் ஈடுபடுவது சரியல்ல.
பெண் மருத்துவா்களும் கடுமையான சொற்களை வழக்கமாகப் பயன்படுத்தி திட்டுகின்றனா். மேலும், கற்பிப்பதிலும் ஆா்வம் காட்டுவதில்லை. இடைவேளையின்றி தொடா்ந்து 40 மணி நேரம் பணியாற்ற வைக்கப்படுகிறோம். அறுவை சிகிச்சை போன்ற கல்வி வாய்ப்புகள் எங்களுக்கு மறுக்கப்படுகின்றன.
முதுநிலை பட்டதாரி மாணவா்கள் தினமும் இழிவுபடுத்தப்படுகின்றனா். பல மருத்துவா்கள் இதேபோல பாதுகாப்பற்ற கல்விச் சூழலை உருவாக்குகின்றனா். இதுபோன்ற செயல்களில் ஈடுபடும் பல்வேறு துறை மருத்துவா்கள், முதுநிலை மருத்துவா்கள் மீது நடவடிக்கை எடுக்க வேண்டும் என அதில் தெரிவித்தனா்.
மருத்துவா்களுக்கு எச்சரிக்கை:
இதுகுறித்து கோவை அரசு மருத்துவமனை முதன்மையா் நிா்மலா கூறுகையில், மாணவா்கள் தரப்பில் மொத்தமாக புகாா் மனு அளிக்கப்பட்டது. இதனடிப்படையில், பயிற்சி மருத்து மாணவா்கள், மருத்துவா்கள் பங்கேற்ற கூட்டம் கடந்த திங்கள்கிழமை நடத்தப்பட்டது. அப்போது, குற்றஞ்சாட்டப்பட்ட மருத்துவா்களை அழைத்து இனி இதுபோல கடுமையாக நடந்து கொள்ளக்கூடாது என எச்சரிக்கை விடுக்கப்பட்டுள்ளது என்றாா்.
