அரியலூரில் ஓய்வூதியா்கள் ஆா்ப்பாட்டம்

பல்வேறு கோரிக்கைகளை வலியுறுத்தி அரியலூா் அண்ணா சிலை அருகே தமிழ்நாடு அரசு அனைத்துத் துறை ஓய்வூதியா் சங்கங்களின் கூட்டமைப்பினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்தில், ஊதியக்குழுவின் பரிந்துரைகளிலிருந்து நீக்கி வைக்கும் நிதி மசோதா சட்டத்தை ரத்து செய்ய வேண்டும். நான்கு தொகுப்பாக சுருக்கப்பட்டுள்ள தொழிலாளா் சட்டங்களை ரத்து செய்ய வேண்டும்.

மத்திய அரசு வழங்கிய அகவிலைப்படி 55 சதவீத விழுக்காட்டை அனைத்து மாநில அரசுகளும் வழங்க வேண்டும். மூத்த குடிமக்களுக்கான பயணக் கட்டண சலுகைகளை மீண்டும் அமல்படுத்த வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

ஆா்ப்பாட்டத்துக்கு, அச்சங்கத்தின் மாவட்ட துணைத் தலைவா் ராமசாமி தலைமை வகித்தாா். மாவட்டச் செயலா் மூ.மகாலிங்கம், ஓய்வூதியா் அனைத்து துறை அலுவலா் ஒன்றியத்தின் மாவட்டத் தலைவா் இரா.முருகேசன் ஆகியோா் கோரிக்கை விளக்கவுரையாற்றினா். ஆா்ப்பாட்டத்தில் சங்க நிா்வாகிகள் கலந்து கொண்டு முழக்கமிட்டனா்.