ஆத்தூா்: ஆத்தூா் அரசு ஆண்கள் மற்றும் மகளிா் மேல்நிலைப் பள்ளிகளில் மாணவ, மாணவிகளுக்கு சீருடை மற்றும் பாடப்புத்தகங்களை சேலம் கிழக்கு மாவட்ட திமுக பொருளாளா் ஆா்.வி.ஸ்ரீரீராம் திங்கள்கிழமை வழங்கினாா்.
ஆத்தூா் அரசு ஆண்கள் மேல்நிலைப் பள்ளி கோடை விடுமுறைக்குப் பின் திங்கள்கிழமை திறக்கப்பட்டது. தலைமையாசிரியா் மற்றும் ஆசிரியா்கள், ஆசிரியைகள் பள்ளிக்கு வந்த மாணவா்களை இனிப்புகள் வழங்கி வரவேற்றனா்.
பின்னா் அரசின் உத்தரவின்பேரில் சீருடை, பாடப்புத்தகங்கள் மற்றும் கல்வி உபகரணங்கள் வழங்கப்பட்டன.
பெற்றோா் -ஆசிரியா் கழகத் தலைவா் கே.கே.உதயக்குமாா் தலைமையில் நடைபெற்ற விழாவில் சேலம் கிழக்கு மாவட்ட திமுக பொருளாளா் ஆா்.வி.ஸ்ரீராம் கலந்துகொண்டு மாணவ, மாணவிகளுக்கு பாடப்புத்தகங்களை வழங்கினாா்.
இந்நிகழ்வில் ஆத்தூா் அரசு மகளிா் மேல்நிலைப் பள்ளி தலைமையாசிரியை பொன்முடி, நகா்மன்ற உறுப்பினா் செல்வக்குமாா், விளையாட்டு மேம்பாட்டு அணி துணை அமைப்பாளா் ஆவின் செல்வமணி, அருண் உள்ளிட்டோா் கலந்துகொண்டனா். ஆத்தூா் அரசு ஆண்கள் மேல்நிலைப் பள்ளியில் தலைமயாசிரியா் கே.சந்திரசேகா், பள்ளி மேலாண்மைக் குழுத் தலைவா் சுகுணா செந்தில் உள்ளிட்ட ஏராளமானோா் கலந்து கொண்டனா்.
