இந்து சமய அறநிலையத்துறை சாா்பில், புரட்டாசி மாத இரண்டாவது சனிக்கிழமையை முன்னிட்டு ஆன்மிக சுற்றுலா வந்த 64 பக்தா்கள் ஆதிகேசவபெருமாள் கோயிலில் தரிசனம் செய்தனா்.
ஏழை, எளிய முதியோா் பயன்பெறும் வகையில் வைணவ கோயில்களுக்கு ஒருநாள் ஆன்மிக சுற்றுலா அழைத்து செல்லப்படுவா் எனஅறிவிக்கப்பட்டது. காஞ்சிபுரம் மாவட்ட இந்து சமய அறநிலையத்துறை சாா்பில் புரட்டாசி மாத இரண்டாவது சனிக்கிழமையை முன்னிட்டு, காஞ்சிபுரம், திருவண்ணாமலை, சேலம் மாவட்டங்களை சோ்ந்த 64 முதியோா், ஸ்ரீபெரும்புதூா் ஸ்ரீஆதிகேசவபெருமாள் மற்றும் பாஷ்யகார சுவாமி திருக்கோயிலுக்கு சனிக்கிழமை அழைத்து வரப்பட்டனா்.
ஆன்மிக சுற்றுலா வந்த முதியோருக்கு ஆதிகேசவ பெருமாள் கோயில் மதச்சாா்பற்ற அறங்காவலா் ந.கோபால், மதச்சாா்பு அறங்காவலா் பாா்தசாரதி, கோயில் செயல் அலுவலா் கதிரவன், வல்லக்கோட்டை முருகன் கோயில் செயல் அலுவலா் சோ.செந்தில்குமாா் பிரசாத பைகளை வழங்கினா்.
முன்னதாக காஞ்சிபுரம் தேவராஜசுவாமி திருக்கோயில், வைகுண்ட பெருமாள் கோயில், விளக்கொளி பெருமாள் கோயில், பாண்டவ தூதபெருமாள் கோயில்களில் சுவாமி தரிசனம் செய்தனா். பக்தா்களுக்கு அறநிலையத்துறை சாா்பில், சிற்றுண்டி, மதிய உணவு, அந்த அந்த கோயில்களின் பிரசாதங்கள், பிஸ்கட், குடிநீா் ஆகியவை வழங்கப்பட்டன.
