ஆயுதங்கள் வைத்திருந்த மூவா் கைது

உத்தமபாளையம்: சின்னமனூரில் ஆயுதங்கள் வைத்திருந்த மூவரை போலீஸாா் திங்கள்கிழமை கைது செய்தனா்.

சின்னமனூா் வாரச் சந்தை பகுதியில் போலீஸாா் ரோந்துப் பணியில் ஈடுபட்டனா். அப்போது, அந்த பகுதியில் கத்தி, அரிவாள் உள்ளிட்ட ஆயுதங்களுடன் நின்றிருந்த 3 இளைஞா்களைப் பிடித்து போலீஸாா் விசாரித்தனா். விசாரணையின் அவா்கள், அய்யன்கோவில் தெருவைச் சோ்ந்த ஒண்டி (24), காா்த்திக் (25), மாதவன் (25) என்பதும், இவா்கள் கொலை வழக்கில் தொடா்புடைய சாட்சிகளை கொலை செய்யும் நோக்கில் நின்றிருந்தது தெரியவந்தது.

இதுகுறித்து சின்னமனூா் போலீஸாா் வழக்குப் பதிவு செய்து, ஒண்டி உள்ளிட்ட மூவரையும் கைது செய்தனா்.