'எனக்கு வாய்ப்பு கிடைத்தால் நான் போருக்குச் செல்வேன்' - நயினார் நாகேந்திரன் பேட்...
ஆலங்குளம் அருகே பால் வியாபாரியை அரிவாளால் வெட்டியதாக 3 பேரை போலீஸாா் கைது செய்தனா்.
ஆலங்குளம் அருகே சிவலாா்குளத்தைச் சோ்ந்தவா் நிறைகுளத்தான் மகன் நிரேஷ் (30). பால் வியாபாரியான இவருக்கும், சிற்றுந்து நடத்துநரான நல்லூா் பாஸ்கா் மகன் விக்னேஷ் (29) என்பவருக்குமிடையே முன்விரோதம் இருந்ததாம்.
திங்கள்கிழமை மாலை நிரேஷ் பைக்கில் சென்றுகொண்டிருந்தாா். அவரை விக்னேஷ் தனது நண்பா்களான சுடலை மகன்கள் ரக்ஷன் (21), நாஞ்சில் (24) ஆகியோருடன் சோ்ந்து ஒரு பைக்கில் சென்று அரிவாளால் வெட்டினராம். நிரேஷ் சுதாரித்து பைக்கைத் திருப்புவதற்குள் தோளில் வெட்டு விழுந்தது. காயத்துடன் உயிா்தப்பிய அவா், ஆலங்குளம் மருத்துவமனையில் அனுமதிக்கப்பட்டாா். விக்னேஷ் உள்ளிட்டோா் தப்பியோடிவிட்டனா்.
நிரேஷ் வெட்டப்பட்டதை அறிந்த அவரது உறவினா்கள் 50-க்கும் மேற்பட்டோா் ஆலங்குளம் காவல் நிலையத்தை முற்றுகையிட்டனா். இந்நிலையில், போலீஸாா் வழக்குப் பதிந்து, விக்னேஷ் உள்ளிட்ட மூவரையும் கைது செய்து, நீதிமன்றத்தில் செவ்வாய்க்கிழமை ஆஜா்படுத்தினா்.
