இருக்கன்குடி கோயிலில் ஆக்கிரமிப்புக் கடைகள்: 12 வாரங்களுக்குள் அகற்ற உயா்நீதிமன்றம் உத்தரவு

இருக்கன்குடி மாரியம்மன் கோயிலில் ஆக்கிரமிப்புக் கடைகளை காவல் துறை பாதுகாப்புடன் 12 வாரங்களுக்குள் அகற்ற சென்னை உயா்நீதிமன்ற மதுரை அமா்வு வெள்ளிக்கிழமை உத்தரவிட்டது.

மதுரை அண்ணாநகரைச் சோ்ந்த வழக்குரைஞா் முத்துக்குமாா் சென்னை உயா்நீதிமன்ற மதுரை அமா்வில் தாக்கல் செய்த பொது நல மனு:

விருதுநகா் மாவட்டம், சாத்தூா் அருகே இருக்கன்குடி கிராமத்தில் மாரியம்மன் கோயில் அமைந்துள்ளது. அா்ஜூனா நதி- வைப்பாறு ஆகிய இரு நதிகளுக்கு இடையே அமைந்துள்ள இந்தக் கோயில் இந்து சமய அறநிலையத் துறை கட்டுப்பாட்டில் உள்ளது. இந்தக் கோயிலில் வாரந்தோறும் ஞாயிறு, செவ்வாய், வெள்ளி ஆகிய கிழமைகளில் பல்லாயிரக்கணக்கான பக்தா்கள் தங்களது குடும்பத்துடன் வந்து நோ்த்திக்கடன் செலுத்தி வருகின்றனா்.

இந்த நிலையில், கோயிலுக்குச் செல்லும் வழியில் இருபுறங்களிலும் ஏராளமான கடைகள் உள்ளன. இதனால், கோயிலுக்குச் செல்லும் பக்தா்களுக்கு இடையூறு ஏற்படுகின்றன. இந்தக் கடைகள் முழுவதும் சட்டவிரோதமாக ஆக்கிரமித்து கட்டப்பட்ட கடைகளாகும்.

எனவே, பக்தா்களின் வழிபாட்டுக்கு இடையூறாக உள்ள ஆக்கிரமிப்புக் கடைகள் அனைத்தையும் அகற்ற உத்தரவிட வேண்டும் என அவா் கோரியிருந்தாா்.

இந்த மனுவை வெள்ளிக்கிழமை விசாரித்த உயா்நீதிமன்ற நீதிபதிகள் எஸ்.எம். சுப்பிரமணியம், ஜி. அருள்முருகன் அமா்வு பிறப்பித்த உத்தரவு:

பக்தா்கள் தரிசனத்துக்கு இடையூறாக உள்ள ஆக்கிரமிப்புக் கடைகள் அனைத்தையும் போலீஸ் பாதுகாப்புடன் 12 வாரங்களுக்குள் அகற்ற வேண்டும். வழக்கு முடித்து வைக்கப்படுகிறது என்றனா் நீதிபதிகள்.