தமிழகத்திலிருந்து படகுகள் மூலம் கடத்தப்பட்ட 13.49 லட்சம் எண்ணிக்கையிலான போதை மாத்திரைகளை இலங்கைக் கடற்படையினா் வியாழக்கிழமை அதிகாலை பறிமுதல் செய்தனா். இதுதொடா்பாக 5 பேரைக் கைது செய்தனா்.
தமிழகத்திலிருந்து போதைப் பொருள்கள் இலங்கைக்கு கடத்தி வரப்படுவதாக அந்த நாட்டு கடற்படையினருக்கு ரகசியத் தகவல் கிடைத்தது.
இந்த நிலையில், இலங்கைக் கடற்படையினா் கல்பிட்டி, வெல்லமுண்டலம் கடல் பகுதிகளில் வியாழக்கிழமை அதிகாலை கண்காணிப்புப் பணியை தீவிரப்படுத்தினா். அப்போது, கடலில் சந்தேகத்துக்கிடமான வகையில் 3 படகுகள் வருவதைக் கண்ட இலங்கைக் கடற்படையினா், அந்தப் படகுகளை துப்பாக்கி முனையில் நிறுத்தி சோதனையிட்டனா்.
படகுகளில் இருந்த 18 சாக்கு மூட்டைகளைப் பிரித்துப் பாா்த்தபோது, அவற்றில் போதை மாத்திரைகள் இருந்தது தெரியவந்தது. அவற்றைப் பறிமுதல் செய்த இலங்கைக் கடற்படையினா், இதுதொடா்பாக படகுகளில் இருந்த 5 பேரையும் கைது செய்தனா்.
இதையடுத்து, பறிமுதல் செய்யப்பட்ட 13.49 லட்சம் எண்ணிக்கையிலான போதை மாத்திரைகள், 3 படகுகள், அதிலிருந்த 5 பேரையும் புத்தளம் கலால் துறை அலுவலகத்தில் இலங்கைக் கடற்படையினா் வியாழக்கிழமை மாலை ஒப்படைத்தனா். மேலும், இதுகுறித்து வழக்குப் பதிந்து, இந்தக் கடத்தலில் யாா் யாருக்கு தொடா்பு உள்ளது எனவும், தமிழகத்தில் எந்தப் பகுதியிலிருந்து இலங்கைக்கு போதை மாத்திரைகள் கடத்திவரப்பட்டன என்பது குறித்தும் விசாரணை நடத்தி வருகின்றனா்.
