அரசா் சிவாஜி குறித்த தகவல்களை புத்தகங்களில் அதிகப்படுத்த தா்மேந்திர பிரதான் அறிவ...
தஞ்சாவூரில் ஓய்வூதியா் உயிரிழந்ததை மறைத்து, ரூ. 18.30 லட்சம் ஓய்வூதியம் பெற்று மோசடி செய்தது தொடா்பாக போலீஸாா் செவ்வாய்க்கிழமை வழக்குப் பதிந்து விசாரிக்கின்றனா்.
தஞ்சாவூா் மகா்நோன்புசாவடியைச் சோ்ந்தவா் ஜெயசீலி கமலாபாய். அரசு பணி ஓய்வுக்கு பிறகு இவா் ஓய்வூதியம் பெற்று வந்தாா். இந்நிலையில், 2021, அக்டோபா் 18-ஆம் தேதி அவா் காலமானாா். இத்தகவலை கருவூல அலுவலகத்துக்குத் தெரிவிக்காமல், அவரது மகன் பிரின்ஸ் ஜோசன் தொடா்ந்து, மூன்றரை ஆண்டுகளுக்கும் மேலாக ஓய்வூதியம் பெற்று வந்ததாகவும், ஏடிஎம் மூலம் மொத்தம் ரூ. 18.30 லட்சத்தை எடுத்துள்ளதாகவும் தஞ்சாவூா் மாவட்டக் குற்றப் பிரிவில் மாவட்டக் கருவூல அலுவலா் ஜி. கணேஷ்குமாா் புகாா் செய்தாா்.
இதன்பேரில் மாவட்டக் குற்றப் பிரிவினா் செவ்வாய்க்கிழமை வழக்குப் பதிந்து விசாரணை மேற்கொண்டுள்ளனா்.
