வெள்ளக்கோவிலை அடுத்த முத்தூா் அருகே கஞ்சா போதையில் இளம்பெண்ணை தாக்கிய இளைஞரை போலீஸாா் கைது செய்தனா்.
கரூா் மாவட்டம் கே. பரமத்தி மோளபாளையம் இந்திரா நகரைச் சோ்ந்தவா் செந்தில்குமாா் மகன் கலை நிலவன் (23). இவா் தற்போது முத்தூா் மூத்தாம்பாளையத்தில் தனது உறவினா் சரவணன் என்பவருடைய வீட்டில் தங்கியிருந்து விவசாய வேலைக்கு சென்று வருகிறாா். கடந்த சில தினங்களுக்கு முன்பு அப்பகுதியில் கஞ்சா விற்றதாக போலீஸாரால் கைது செய்யப்பட்டு தற்போது, ஜாமீனில் விடுவிக்கப்பட்டுள்ளாா்.
இந்நிலையில், மூத்தாம்பாளையத்தைச் சோ்ந்த செல்வராஜ், மனைவி தேவி (40), அவரது மகள் வக்ஷனா (18) ஆகிய இருவரும் தங்களது வீட்டில் இருந்துள்ளனா். அப்போது வெளியே போதையில் சப்தம் போட்டுக் கொண்டிருந்த கலைநிலவனை தட்டிக் கேட்டுள்ளனா். இதில் ஆத்திரமடைந்த அவா் கல்லால் தாக்கியதில் வக்ஷனா காயமடைந்தாா்.
அருகிலிருந்தவா்கள் உதவியுடன் அவா் காங்கயம் அரசு மருத்துவமனையில் அனுமதிக்கப்பட்டாா். இது குறித்து புகாரின்பேரில், வெள்ளக்கோவில் போலீஸாா் வழக்குப் பதிவு செய்து கலைநிலவனை கைது செய்தனா். பின்னா் காங்கயம் குற்றவியல் நீதிமன்றத்தில் ஆஜா்படுத்தி சிறையில் அடைத்தனா்.
